AYUB 34:18 - KITTA' MATANGKASA'

¹⁸ Nahukkungi Allata'ala karaenga siagang pamarentaya punna ja'dala' siagang doraka ke'nanga.

AYUB 34:18 ပူးပေါင်းရင်းမြစ်များ

AYUB 34:17

Apaka nusalakangi anjo Allata'ala adeleka siagang porea? Maka nukapangi Nakabirisi Allata'ala kaadelanga?

AYUB 34:19

Tena Nangngalle mae ri sikamma karaenga, yareka Naparioloangngang tau kalumanynyanga na tu kasi-asia. Lanri yangasenna para bate pare'Naji.

KALAPPASSANG 22:28

Teako sumpai Allata'ala, siagang teako tunrai pamimpinna bansanu.

PANGNGEBARANG 17:26

Tena nasiratang nipassala tau tenaya salana; tasiratangai nijallakkang tau bajika akkala'na.

LAMPA-LAMPANA 23:3

Jari nakanamo Paulus ri anjo Imang Lompoa, “Mattantu laNatempaka'rang todongko Allata'ala, ikau tu munape' kammaya, assara-saraia sangkamma tu matangkasa'! Ammempoko antureng angngadelia' situru' parentaNa Allata'ala napabattua Musa, padahala' ikaumi kalennu andakkai anjo parentaya lanri nusurona taua antempaka'ranga'!”

LAMPA-LAMPANA 23:5

Mingka appialimi Paulus nakana, “O, takuassengai sari'battang angkanaya imang lompoi padeng anjo taua. Nia' memang tattulisi' lalang ri Kittaka angkana, ‘Teako hinai pamimpinna bansanu.’ ”

ROMA 13:7

Jari bayaraki mae ri pamarentaya apa siratanga nubayara' ri ia. A'bayarakko sima punna siratangko a'bayara' sima; siagang a'bayarakko sussung punna siratangko a'bayara' sussung. Musti nubilang lompoi tau siratang nubilang lompo siagang musti nupakala'biriki tau siratanga nupakala'biri'.

1 PETRUS 2:17

Anggara' baji' ngasengi taua, siagang kamaseangi sari'battang parannu tu Karisteng. Mallakko mae ri Allata'ala, siagang pakalompoi Kapala pamarentahanga.

2 PETRUS 2:10

la'biangang sikamma tau anturukiai kaerokang kalenna sannaka ra'masa'na siagang anghinayai kakoasanNa Allata'ala. Antekamma baranina siagang tampona anjo guru-guru takontutojenga, sa'genna manna apa attallasa' mala'birika ri suruga tamangngalika tongi ke'nanga anghinai!

YUDAS 1:8

Kammatommi anjo tau a'rupa-rupa dudua nanawa-nawa, sa'genna a'gau' dosamo ri batangkalenna tonji ke'nanga. Nacini' rawai kakoasanNa Allata'ala siagang nahinai sikamma apa-apa attallasaka siagang mala'birika ri suruga.