AYUB 33:22 - KITTA' MATANGKASA'

²² La'birimmi ammotere' ri anja a'reppese'mi lino kamateanga ri kalenna.

AYUB 33:22 ပူးပေါင်းရင်းမြစ်များ

2 SAMUEL 24:16

Anjo malaeka'Na Batara angngeranga bala kamateang anrapi'mi mange ri tampa' panggilingang gandunna Arauna, tu Yebus. Ri wattunna Nacini' Batara angkanaya sadiami anjo malaekaka untu' amputtai Yerusalem, Napinrami Batara kaputusanNa, siagang ammari anghukkungi anjo bansaya. Nakana ri anjo malaekaka, “Ganna'mi! Ammari mako!”

AYUB 15:21

Sa'ra-sa'ra hebaka lanreppeki tolinna; ri wattu amanga battui paellaka ambakkai.

AYUB 17:1

A'reppese'mi a'jalakku, birimmi tappu' napasakku; jerakku mami ammantang.

AYUB 33:18

TaNapa'biangngai ke'nanga ancuru'; Najagai ke'nanga battu ri kamateang.

AYUB 33:28

Natahamma' Allata'ala sollanna tena kumange ri linona tau matea, sa'gengku nia' ija attallasa' kamma-kamma anne.

AYUB 7:7

U'rangi, o, Allata'ala, tallasakku poro pa'maikang nappasa'ji; tappelaki kate'neangku, tena sikali bate-batena.

PAMMUJI 107:18

Eroki ta'langnge nasa'ring ke'nanga mae ri sikamma kanrea, a'reppese'mi a'jala'na ke'nanga.

PAMMUJI 17:4

Kugaukangi apa Kiparentakanga na tena kuoloi oloang katerassanga.

PAMMUJI 30:3

Batara Allata'alaku, akkioka' mae ri Katte appala' tulung, nampa Kipammollea' ri garringku.

KALAPPASSANG 12:23

Ri wattunna Nainroi Batara anne pa'rasanganga untu' ambunoi tu Mesirka, laNaciniki Batara anjo cera' niaka ri ruaya benteng pakke'bu'nu siagang irateanganna pakke'bu' balla'nu; jari laNalaloiji bawang balla'nu siagang tena Napa'biangi Malaeka' Kamateanga antama' ri balla'nu untu' ambunoko.

YESAYA 38:10

Kukana, nampami sitangnga umurukku nakumusti a'lampamo, ampa'le'baki sesa tallasakku ri lino tau matea.

LAMPA-LAMPANA 12:23

Mingka anjo wattua battumi malaeka'Na Batara antempaka'rangi Herodes, lanri tenana nahargai Allata'ala. Nikanremi Herodes ri gallang-gallang nampa mate.

1 KORINTUS 10:10

Takkullea tongki' a'moro-moro, akkunrareng; sangkamma nagaukanga ke'nanga riolo, sa'genna nibuno ke'nanga ri Malaeka'na Kamateanga.

PAPPICINI' 9:11

Nia' karaenna, amparentayai ke'nanga; na anjo karaenna ke'nanga iamintu malaeka' anjagayai tubiri'na kamateanga. Arenna ilalang bicara Ibrani iamintu Abadon; na lalang bicara Yunanina iamintu Apolion (battuanna “Pammanrakia”).

1 SAMUEL 2:6

Batara appamate, Ia todong appatallasa'. Mange ri lino tumatea Napanaung rupataua. Na Ia todong angngangkaki taua battu anjoreng.