AYUB 33:13 - KITTA' MATANGKASA'

¹³ Angngapa nanusalakang Allata'ala angkanaya taNajampangiai kunrarenna rupataua?

AYUB 33:13 ပူးပေါင်းရင်းမြစ်များ

AYUB 10:2

O, Allata'ala, teaKi' salakangia' inakke; Kipisingarianga' angngapa na inakke Kibaliang.

AYUB 10:6

Punna kamma, angngapa naKiboya sikontu dosaku? Angngapa Kiondangi sikontu kasalangku?

AYUB 11:7

Masakang akkullei nuselangngi bone mailalanNa Allata'ala? Masakang akkulleko ampahangi koasaNa?

AYUB 9:12

Punna anrampasaki, inai barani ampisangkai? Yareka barani akkuta'nang angkana, ‘He, apa Nupare'?’

AYUB 9:14

Jari antekamma lakkulle kugeakki? Kana-kana apa lakupialiangi?

PAMMUJI 62:11

Teako manrannuangngi ri wassele' apa nipaccoka ri paranta tau, teako pattoangi barang nialle passaya. Ba'lalo punna katambang kakalumanynyangngannu, teako a'dakkiki nyawanu mae ri anjo.

YESAYA 45:9

Cilakai tau eroka a'gea' siagang Mappa'jarina; rapangi uring butta angngewayai tumappare'na. Maka akkuta'nangi butta pika mae ri papare' uring buttaya, angkana, “Apa antu nupare'?” Maka akkunrarengi anjo uringa angkanaya tena kacara'dekanna anjo tumappare'na?

YESAYA 46:10

Battu ri pakaramulanna Kupaumi apa-apa labattua ri bokoanganna, battu riolo Kutappu memammi apa lakajarianga. Kukana: Lakajarianga apa le'baka Kutappuki, mattantu Kugaukangi erokKu!

YEREMIA 50:24

Nakana Batara, “Babel, angngewako ri Nakke, jari lanri kammana anjo naalle mako sikko' nutannanga untu' kalennu, mingka tanuassengai kalennu.

YEHEZKIEL 22:14

Maka barani ijako yareka gassingijako untu' angngangkaki limannu ri wattunnu le'ba' Kuhukkung? INakke, Batara Kaminang Tinggia anne akkana, siagang laKupa'rupai apa le'baka Kupau.

DANIEL 4:35

Bansa-bansaya ri lino tena anggaranna. Allata'ala makoasa mae ri malaekaka ri suruga siagang pandudu'na buttaya. Tena manna sitau akkulle ambaliangi ero'Na, tena barani ampakuta'nangngangi apa Nagaukanga.”

MATIUS 20:15

Apa takkullea' angngatoroki pa'barang-barangangku situru' apa nakaerokia nyawaku? Yareka assereatiko lanri lammoro' pa'maikka'?’ ”

LAMPA-LAMPANA 1:7

Appialimi Isa Nakana, “KalenNa ManggeKu lampattantui allonna siagang wattunna. Anjo tena naparallu nuasseng, nasaba' anjo lalang koasaNai Manggea.

LAMPA-LAMPANA 5:39

Mingka punna apa-apa battu ri Allata'ala anjo napangngajarranga siagang nagaukanga ke'nanga, ma'nassa takkulleako ambetai ke'nanga. Ba'lalo akkullei a'butti angkanaya nuewai Allata'ala.” Natarimami sidanga anjo pappakainga'na Gamaliel.

ROMA 11:34

Nia' tattulisi' lalang ri Kittaka angkanaya, “Maka inai akkulle angngassengi pikkiranNa Batara? Maka inai akkulle assarei pappakainga'?

ROMA 9:20

Mingka ikau sari'battang, tau biasajako bawang! Takkulleako barani appiali mae ri Allata'ala! Maka akkullei se'rea pammantangang bunga mae ri tau amparekai, angkana, “Apa saba'na nanupare' kamma' anne?”

1 KORINTUS 10:22

Yareka erokki' ampa'jari Batara akkimburu'? Maka kassakangangki' na Batara?

PAOLE 29:29

Nia' siapa are passala' Narahasiakang Karaeng Allata'ala mae ri katte; mingka le'ba'mi Napa'nyata hukkunNa mae ri katte, na ikatte siagang sikontu jari-jarita musti mannuruki mae ri anjo hukkunga sa'genna satunggu-tungguna.”