AYUB 31:6 - KITTA' MATANGKASA'

⁶ Lappassamma' Natimbang Allata'ala irate ri timbangang annabaya, na laNaasseng angkana tena nakusala.

AYUB 31:6 ပူးပေါင်းရင်းမြစ်များ

AYUB 23:10

Mingka Naassengi sikontu jappaku kammayatompa tunggala' dakkaku. Punna sanrapanga' bulaeng kuniuji, la'nyatami angkana ti'noki pa'maikku.

AYUB 32:1

Lanri tappa' duduna Ayub ri annabana kalenna, tenamo nappiali pole anjo tallua aganna.

AYUB 6:3

mattantu lompoangngangi na kassika ri tamparang lompoa. Jari, teako lannasa' punna kana-kanangku tatutuai siagang karo-karoi.

PAMMUJI 1:6

Saba' tu mannurukia niului siagang nijagai ri Batara, mingka tu ja'dalaka mangngolo mange ri possoka.

PAMMUJI 139:23

Kisalidikia' o, Allata'ala, kitarrusi pa'maikku, so'ria siagang Kiassemmi pikkirangku.

PAMMUJI 26:1

Pammujina Daud. Kisarea' kaadelang, o, Batara, saba' lambusu' pa'maika' lalang tallasakku. Manrannuanga' mae ri Batara, Tena kuranggasela manna sike'de'.

PANGNGEBARANG 16:11

Nakaerokangi Batara a'gau' lambusu' taua lalang pa'balu'-balukanga, kammayami lalang ammakea ukkurang siagang timbangang.

PANGNGEBARANG 21:2

Tunggala' panggaukanna taua nakanai baji' ri paccini' kalenna, mingka Batara angngassengi nakaerokia pa'mai'na.

YESAYA 26:7

Tau lambusuka pa'mai'na a'jappai ri oloang lambusuka, saba' iKatte, Batara, amparekangi oloang.

DANIEL 5:27

nitimbang, iamintu le'ba' maki' nitimbang nampa niassemmo angkanaya tena matu-matunta;

MIKHA 6:11

Maka laKupammopporangi tau ammakea timbangang sala?

MATIUS 7:23

Mingka laKukana sallang appiali, ‘Tena le'bakako Kuasseng! A'lampa ngasengko anrinni ikau le'baka a'gau' ja'dala'!’ ”

2 TIMOTIUS 2:19

Mingka anjo pammentengang makassa' le'baka Napare' Allata'ala takkulleai nipata'ge'goso'. Irateanganna nia' tattulisi' angkanaya, “Naassengi Batara sikamma taunNa,” siagang “Inai-nai nakana kalenna taunNa Batara, musti ammarimi anggaukangi gau' salaya”.

YOSUA 22:22

“Kaminang Makoasaya iamintu Batara! Kaminang Makoasaya iamintu Batara! Naassengi angkanaya apa saba'na nanagaukang ikambe anne passalaka, siagang ero' tongi ikambe sollanna nuasseng tongi anne passalaka. Ebara' angkana nagaukangi ikambe anne kammaya lanri ero'na ikambe angngewai Batara, yareka lanri tenanamo natappa' ikambe mae ri Ia, boli'mi kamma namate memang ikambe kamma-kamma anne!

1 SAMUEL 2:3

Pammarimi bicara kosonga! Pa'le'ba'mi bicara borroa! Nasaba' anjo Batara, Allata'ala Kaminang mapahang; Ia angngadeli sikontu panggaukanna taua.