AYUB 31:35 - KITTA' MATANGKASA'

³⁵ Tenaka tau ero' ampilangngeri kana-kanangku? Assumpa' angkana annaba ngasengi anjo kupaua. Dasi-dasi Napialia' Kaminang Koasaya. Ebara' angkana tuduhanna musua mae ri nakke nitulisi' ngasengi sa'genna kucini',

AYUB 31:35 ပူးပေါင်းရင်းမြစ်များ

AYUB 13:17

Kamma-kamma anne pilangngeri baji'-baji' kanangku; parhatikangi apa kupakasingaraka.

AYUB 13:24

Angngapa Ki'lili siagang bella battu ri nakke? Apa saba'na naKipa'jari musua'?

AYUB 13:3

Mingka erokka' a'bicara siagang Kaminang Koasaya; erokka' ampattojengi parkaraku ri dallekanNa Allata'ala.

AYUB 17:3

Inakke tau lambusu', o Allata'ala. Kipatappaka'! Inai mami akkulle ampattojengi kana-kanangku?

AYUB 19:11

A'rinra-rinrai larroNa Allata'ala mae ri nakke; Napa'jaria' sangkamma musunNa.

AYUB 19:7

A'jalloka' lanri anjo kapallakkang kammaya, mingka tena manna sitau amparhatikanga'. Akkioka' angkana, ‘Kemae kaadelanga’, mingka tena tau allangngereki sa'rangku.

AYUB 27:7

Dasi-dasi nanihukkung musungku sangkamma tau doraka, na niballassi balingku sangkamma tau kodi sipa'.

AYUB 30:20

Akkioka' ri Katte, o, Allata'ala, na tena Kipialia'; punna appala' doanga', tena Kiparhatikangi.

AYUB 30:24

Angngapa Kibakkai tau cilakaya, tamakkullea a'gau' apa-apa, pantaranganna appalaka pangngamaseang?

AYUB 30:28

Pitilampa-lampaima' lalang ri sassang, tenaya singara'; ammenteng ri dallekanna tau jaia appala' tulung.

AYUB 31:36

lalompoi pa'maikku nakupanai' ri salangga, na kupadakki' ri ulungku a'jari songko' kalompoang.

AYUB 33:6

Mae ri Allata'ala, ikau siagang inakke tena sisalata battu ri butta pi' ngaseng jaki' nipa'jari.

AYUB 35:14

O, Ayub, la'biangampa punna ikau nukana angkanaya tena nanuciniki, angkanaya nia'mi parkaranu ri dallekanNa na sanna'mo batena nutayang!

PAMMUJI 26:1

Pammujina Daud. Kisarea' kaadelang, o, Batara, saba' lambusu' pa'maika' lalang tallasakku. Manrannuanga' mae ri Batara, Tena kuranggasela manna sike'de'.

MATIUS 5:25

Ebara'na nia' tau antuntukko mange ri pangadelanga, assibajiki memang mako lalang nia'na ija wattu, lalang tenanapa nubattu mange ri pangadelanga. Nasaba' punna tenapa nussibajiki nanubattu mange ri pangadelanga, tena tanapassareannu anjo taua mange ri hakinga; nampa hakinga ampassareangko mange ri pulisia; nampa napantamakko pulisia ri tarungkua;