AYUB 31:34 - KITTA' MATANGKASA'

³⁴ Tena kumalla' ri panggappana tau jaia, siagang tena kujampangi kana-kana anghinana taua. Tenale'baka' ammantang ri balla' yareka a'mereki bawang, lanri mallakku bawang nihina.

AYUB 31:34 ပူးပေါင်းရင်းမြစ်များ

2 PATTOTTORANG 32:18

Ammarrang-marrangi anjo sikamma tunasuroa karaeng Asyur ampabattui anjo pasanga lalang bicara tu Ibrani, untu' ampakamallaki siagang untu' allammai sumanga'na tu Yerusalem niaka irate ri tompo'na tembo' kotaya, sollanna akkulle naalle gampang ke'nanga anjo kotaya.

NEHEMIA 13:28

Anjo Yoyada ana'na Imang Lompo Elyasib. Mingka nia' sitau ana'na Yoyada a'jari mintu ri Sanbalat battu ri kota Bet-Horon. Lanri kammana kubongkai Yoyada battu ri Yerusalem.

NEHEMIA 5:7

Kupattantumi angkana langngallea' tindakang. Nampa kupakainga'mo sikamma tutoa-toana ra'yaka siagang sikamma pamimpinna ra'yaka. Kukana ri ke'nanga, “Angngapa nanujallakkang sikamma sari'battannu tonji?” Nampa appare'ma passirapakkang siagang tau jaia untu' a'boya cara untu' ambantui ke'nanga ri kasusaanga.

ESTER 4:11

“Sikamma taua, baji' nabura'ne yareka baine, ia tenaya nanisuro kioki nampa mange andallekang ri karaenga lalang ri parang lakkenna balla' karaenga, musti nihukkung matei. Anjo undang-undang, siagang sikontu taua appakkaramula battu ri tumailalanna karaenga sa'genna mae ri ra'yaka ri sikontu propinsia, naasseng ngasengi anjo passalaka. Se'reji bawang cara nakkulle ta'lappasa' taua battu ri anjo undang-undanga, iamintu punna napajonjo takkang bulaenna karaenga mae ri anjo taua. Punna kamma anjo, lasalamaki. Mingka nia'ma' sibulang anne tale'baka nakio' karaenga.”

ESTER 4:14

Manna antekamma carana mattantu langgappai pannulung tu Yahudia, sa'genna salama' ke'nanga. Mingka punna tuli ammantangko tena apa-apa nugaukang ri kamma-kammaya anne, ikau kalennu lamate tongko siagang lapuppusu'mi riwaya'na kaluargana manggenu. Inai angngassengi, gassingka untu' ri wattu-wattu kammayami anne naniangkakko a'jari ratu!”

AYUB 22:8

Nupakei jabatannu siagang koasanu untu' angngallei sikamma buttaya.

AYUB 34:19

Tena Nangngalle mae ri sikamma karaenga, yareka Naparioloangngang tau kalumanynyanga na tu kasi-asia. Lanri yangasenna para bate pare'Naji.

KALAPPASSANG 23:2

Teako katuru'-turukangngi mae ri tau jaia punna a'gau' ja'dala' ke'nanga yareka napalekko salai hukkunga lanri assarena kasa'biang takontutojeng.

KALAPPASSANG 32:27

na nakanamo Musa ri ke'nanga, “Karaeng Allata'alana Israel amparentakangi mae ri kau ngaseng untu' ambi'buki pa'dannu nampa a'jappa allalo ri anne pakkemaanga, appakkaramula battu ri anne pakke'bu' lompoa sa'genna mange ri pakke'bu' lompo maraengannaya, nampa nubuno sikamma sari'battannu, sikamma sahaba'nu siagang sikamma siampi' balla'nu.”

PANGNGEBARANG 29:25

Mallaka ri panggappana taua, angngerangi kasusaang. Tappakko ri Batara, na nulaamang.

YEREMIA 38:16

A'janji cokko-cokkomi Karaeng Zedekia ri nakke, nakana, “Lanri arenNa Allata'ala mattallasaka, iamintu Allata'ala assareaki' tallasa', assumpa' angkanaya tena nalaKubunoko yareka tena naKupassareangko mae ri tau eroka ambunoko.”

YEREMIA 38:19

Appialimi karaenga angkana, “Mallakka' mae ri tau bansata lariamo a'limbang mae ri tu Babel. Gassingka napassareanga' mae ri ke'nanga nampa nisessa'.”

MIKHA 7:3

Para cara'deki a'gau' ja'dala'. Pagawea siagang hakinga appalaki doe' pacoco', siagang pamimpinga napassakangi ero'na, kammami anjo batena ke'nanga assikongkolo' ngaseng.

2 KORINTUS 5:16

Lanri kammanami anjo, nataerokamo ikambe ambakuki se'rea tau situru' pa'baku'na rupataua. Memang, le'baki ikambe ambakuki Almasi situru' pa'baku'na rupataua, mingka kamma-kamma anne tenamo.