AYUB 31:3 - KITTA' MATANGKASA'

³ Cilaka siagang susa ma'nassa Napabattu mae ri tau a'gau' ja'dalaka!

AYUB 31:3 ပူးပေါင်းရင်းမြစ်များ

2 SAMUEL 18:10

Kalase'renna ana' buana Daud anciniki nampa nalaporo' mae ri Yoab, angkana, “Bapa', kuciniki Absalom sumpaeng ta'gentung ri se'reang poko' kayu lompo!”

AYUB 18:12

Riolo kassaki, kamma-kamma anne ta'ronammi; bala anrurungangi ri kemae-kemae.

AYUB 20:29

Iaminjo sarenna tau kodi sipaka, sare Napattantua Allata'ala mae ri ia.”

AYUB 21:17

Le'bakkai nibuno kanjolina tau ja'dalaka, siagang nituju ri bala siagang kacilakang? Le'bakkai Allata'ala larro mae ri ke'nanga, sa'genna nihukkung ke'nanga?

AYUB 21:30

Nakana ke'nanga, ‘Ri allo appabattuNa hukkungang Allata'ala, lanipasalamaki sikamma tau ja'dalaka.’

AYUB 31:23

Tena kula'gau' kammanjo, saba' hukkunganNa Allata'ala sanna' Napakamalla'na pa'maikku.

AYUB 34:22

Tena nikana sassang, manna pole antekamma pakka'na, akkulle ancokkoi tau dorakaya.

PAMMUJI 55:23

Erangi sikontu ranggaselanu mae ri Batara, Iami lassareko kagassingang; saba' tena Nabalang parekangi tau lambusuka nibeta.

PAMMUJI 73:18

Kiboliki ke'nanga ri agang laccuka, na Kibalang parekang ke'nanga tu'guru' a'jari posso'.

PANGNGEBARANG 1:27

Ba, lakucau-cauko punna lussakko siagang sessako lanri nitujuko ri bala ia battua sanrapang anging lompo.

PANGNGEBARANG 10:29

Batara anjagai tau lambusuka, mingka Napanraki tau a'gau' ja'dalaka.

PANGNGEBARANG 21:15

Punna nipajappa kaadelanga, baji'mi pakkasia'na tau bajika, mingka tau ja'dalaka tena naamang nasa'ring.

YESAYA 28:21

Lammentengi Batara sangkamma ri Moncong Perazim. Laberjuangi sangkamma ri Lappara' Gibeon untu' anggaukangi pattujunNa, iamintu pattujuang appakalannasaka mae ri rupataua! LaNagaukangi jama-jamanNa appakalannasaka.

PAMMILANGNGANG 16:30

Mingka punna nia' apa-apa Nagaukang Batara, ia tenayapa nale'ba' nulangngere' kajarianna lalang siapaya anne sallona, siagang punna tassungke buttaya untu' angnga'luki ke'nanga siagang sikontu barang-baranna ke'nanga, sa'genna antama' attallasa' ke'nanga antama' ri linona tau matea, nuassemmi angkanaya anjo taua angngewai mae ri Batara.”

MATIUS 7:13

“Pakke'bu' seppaka nuolo antama, lanri luaraki oloang mangea ri kapanrakanga, kammayatompa lompoi pakke'bu'na, najaimo tau angngolo anjoreng.

ROMA 9:22

Kamma tomminjo ri apa Napareka Allata'ala. Eroki ampappicinikangi pangngalarroinNa siagang kakoasanNa. Mingka sa'baraki Allata'ala mae ri anjo tau siratanga nihukkung lanri napakalarro-larrona Allata'ala.

1 TESALONIKA 5:3

Punna nakana taua, “Amang ngasenji siagang sannang ngasenji,” iaminjo wattua nati'ring natuju ke'nanga kapanrakang na tena manna sitau akkulle ta'lappasa'. Tena nanisanna-sannai nakajariang anjo passalaka; sanrapangi pa'risi'na se'rea baine ri wattunna lanalassukang ana'na.

2 TESALONIKA 1:9

Anjo tau kammaya langgappai hukkungang kapanrakang sa'genna satunggu-tungguna; nipelaki assulukang battu ri pammantanganNa Batara, battu ri kalompoanNa siagang kakoasanNa,

2 PETRUS 2:1

Ri wattu allaloa nia' na'bi-na'bi takontutojeng ammumba ri alla'na Umma'Na Allata'ala. Kamma tomminjo lania' todong guru-guru takontutojeng ammumba ri tangnga-tangnganu. Lanapantamaki ajarang-ajarang salaya, ampanrakiai taua. Siagang lanasassali ke'nanga Karaeng Makoasa le'baka angkoro'bangkangi kalenna sollanna nakkulle a'jari bebasa' ke'nanga. Lalang kammana napabattumi kapanrakanga mae ri kalenna ke'nanga, labattua linta' antujui ke'nanga.

YUDAS 1:7

U'rangi tongi kota Sodom siagang Gomora kammayatompa kota-kota niaka ri ampi'na, appanggaukang kammaya todong anjo sikamma malaekaka tuma'buttana. Nagaukangi ke'nanga nikanaya gau' bawang siagang gau' bambalaka; sa'genna nisessa ke'nanga siagang pepe' a'rinraya satunggu-tungguna, untu' a'jari pappakainga' mae ri sikontu rupataua.

HAKING-HAKING 9:53

nia'mo sitau baine ampitu'guri ulunna Abimelekh siagang se're batu pa'gilingang. Nareppe'mo ka'daro ulunna.