AYUB 31:28 - KITTA' MATANGKASA'

²⁸ Dosa kammaya anjo siratangi anggappa hukkungang mate; lanri nasassali Allata'ala Kaminang Koasaya.

AYUB 31:28 ပူးပေါင်းရင်းမြစ်များ

PA'JARIANG 18:25

Tea laloi nanibunoi anjo tau tenaya salana assama-sama siagang tau salaya. TeaKi' Batara! Nasaba' punna kamma anjo laKigaukang, ma'nassa anjo tau tenaya salana lanipasihukkungi siagang tau niaka salana. Maka akkullei hakinna sikontu linoa la'gau' tena adele'!”

2 SAMUEL 3:32

Anjorengi ri Hebron nitarawang Abner, nampa karaenga siagang sikontu ra'yaka angngarru' lompoi ri dallekanna anjo jeraka.

AYUB 23:7

Tena kusala, siagang akkullei kupattojeng kalengku ri dallekanNa, jari lanilappassanga' sa'genna satunggu-tungguna.

AYUB 31:11

Punna memang kugaukang anjo dosa rantasa' kammaya, siratanga' anggappa hukkungang.

AYUB 31:27

Tale'bakai nialle pa'maikku ri ia, yareka kubau limangku untu' ampakalompoi.

AYUB 9:15

Manna tena nakusala, apa kulleku, pantaranganna appalaka pangngamaseang battu ri Allata'ala Hakingku?

PAMMUJI 50:6

Langika angkabarrangi angkanaya Naadeli Allata'ala umma'Na, angkana KalenNa Allata'ala hakinna.

PANGNGEBARANG 30:9

Saba', punna kalumanynyanga', gassingka kukana sallang angkana tenamo kuparalluangKi'. Na punna kasi-asia', gassingka a'lukkaka' sa'genna kura'massi arenTa.”

YESAYA 59:13

Le'baki assassala' siagang angngewa ikambe mae ri Batara, siagang taeroka mannuruki ri Allata'ala ikambe. Le'baki ikambe anjallakkangi paranna tau siagang sala oloang; lingui pikkiranna ikambe, siagang a'balle-ballei bicaranna ikambe.

PAOLE 17:9

Erangi anjo parkaranu mae ri imang-imang Lewi siagang mae ri haking tugasaka anjo wattua, nampa lappassammi anjo ke'nanga antappuki anjo parkaraya.

TITUS 1:16

Nakana kalenna ke'nanga Naassengi Allata'ala, mingka ma'nassa nasassali lalang ri panggaukanna ke'nanga. Sanna' appakaringi'-ringi'na ke'nanga siagang taerokai mappilangngeri; tau tena sikali naero' ke'nanga anggaukangi apa-apa bajika.

IBRANI 12:23

Pa'rappungang sannaka suara'na nuhaderi – iamintu passibuntulanna ana'-ana' bungasa'Na Allata'ala, ia niaka areng-arenna tattulisi' lalang ri suruga. Allata'ala nudallekang, Hakinna sikontu rupataua. Roh-rohna tau bajika siagang tau le'bakamo nipasukku' tallasa'na nudallekang.

YOSUA 24:23

Angkanami Yosua, “Punna kamma paleng, pakabella ngasemmi rewata-rewatana bansa maraenga, ia niaka ri kau, siagang a'janji mako angkanaya talamamminrayai pa'mai'nu mae ri Batara, Allata'alana Israel.”

YOSUA 24:27

Le'baki anjo nakanamo Yosua mange ri yangasenna anjo taua, “Anne batua a'jari sa'bi mae ri katte. Sikontu kana-kana Napabattua Batara mae ri katte, le'ba'mi nipau ri dallekanna anne batua. Jari, iaminne batua la'jari sa'bi mae ri kau ngaseng, untu' ampiu'rangiangko sollanna tena nanuewai Allata'alanu.”

2 PETRUS 2:1

Ri wattu allaloa nia' na'bi-na'bi takontutojeng ammumba ri alla'na Umma'Na Allata'ala. Kamma tomminjo lania' todong guru-guru takontutojeng ammumba ri tangnga-tangnganu. Lanapantamaki ajarang-ajarang salaya, ampanrakiai taua. Siagang lanasassali ke'nanga Karaeng Makoasa le'baka angkoro'bangkangi kalenna sollanna nakkulle a'jari bebasa' ke'nanga. Lalang kammana napabattumi kapanrakanga mae ri kalenna ke'nanga, labattua linta' antujui ke'nanga.

1 YOHANES 2:23

Inai-nai tena namangakui Anaka, ma'nassa tena tommo namangakui Manggea. Na inai-nai ammangakui Anaka, ma'nassa namangakui tommi Manggea.

YUDAS 1:4

Nasaba' tanisa'ringai na nia'mo siapa are tu kodi ateka' antama' ri tangnga-tangngata. Anjo ke'nanga sangnging tau panra'; naputara' baleki biritta pangngamaseanNa Allata'alata, sollanna akkulle anggappa kasampatang ke'nanga untu' anggaukangi ero' hawa napasuna. Taerokai ke'nanga antarimai Isa Almasi, Batara Makoasa tena ruanna. Battu riolo dudu iji nanipau la'bi riolo memammo lalang ri Kittaka hukkungang lanagappaya ke'nanga.

HAKING-HAKING 11:27

Tena, tena na sala ikambe mae ri kau. Ikau sala nasaba' nubunduki ikambe. Anne alloa Batarami haking untu' antappuki anne parkarana bansa Israel siagang bansa Amon.”