AYUB 31:26 - KITTA' MATANGKASA'

²⁶ Tale'bakai kusomba allo singaraka sioro'na yareka bulang ga'gaya cayana.

AYUB 31:26 ပူးပေါင်းရင်းမြစ်များ

2 KARAENG-KARAENG 23:11

Sikontu jarang nisa'laka untu' karaeng-karaeng Yehuda untu' nipanynyombang mae ri mataalloa, nipela' kabusuki, siagang sikontu kareta-kareta le'baka nipake lalang ri anjo panynyombanga nitunu kabusuki. (Anjo kareta-karetaya niaki lalang ri parang lakkenna Balla'Na Batara, ri ampi'na pakke'bu' lompoa, tena nabella battu ri kamara'-kamara' pammantanganna Natan Melekh, iamintu sitau pagawe tinggi.)

2 KARAENG-KARAENG 23:5

Napasuluki sikamma imang le'baka niangka' ri karaeng-karaeng Yehuda untu' anjamaya ri tampa' panynyombanga mae ri rewata-rewataya ri kota-kota Yehuda siagang ri tammulilina Yerusalem; kammayatompa imang assarea koro'bang mae ri Baal, mataalloa, bulanga, kammayatompa bintoeng-bintoenga na maraengannaya.

AYUB 25:5

Untu' Allata'ala, ba'lalo bulanga tena todong nasingara', na bintoenga Nakana tongi kallangngang.

AYUB 31:27

Tale'bakai nialle pa'maikku ri ia, yareka kubau limangku untu' ampakalompoi.

KELONG MALA'BIRI' 6:10

Inaika anjo battu mae, rapang allo ammumbaya, sangga'ga bulang cora, singara' kamma allo? Sanna' angngallena pa'mai', rapang tantara siagang bandera-banderana.

YEREMIA 44:17

Sikontu apa napa'janjianga ikambe, tena tanagaukanna ikambe. Tuli lassarena koro'bang ikambe mae ri Ratu Suruga, siagang appatiri' je'ne' anggoro' salaku passare mae ri ia sangkamma biasaya nigaukang ri kota-kota Yehuda siagang ri agang-aganga ri Yerusalem, iamintu nigaukanga ri boe-boena ikambe, ri sikamma karaenga siagang pagawe-pagawe pamarentana ikambe, kammayatompa nagaukanga kalenna ikambe. Anjo wattua anggannaki kanre-kanreanna ikambe, akkalumanynyangi ikambe, siagang tena sikali kasukkaranna ikambe.

YEREMIA 8:2

teai untu' nipasse're nampa nitarawang ammotere', passangalinna untu' nibalang parekang ri buttaya sangkamma loro. Sikamma buku-bukunna anjo taua latassiaraki ri dallekanna mataalloa, bulanga siagang sikamma bintoeng napareka rewata ke'nanga, nangaia, nalayania, nasombaya, siagang napappalakkia pitunju'.

YEHEZKIEL 8:16

Nieramma' mange ri paranglakkeng bageang lalangnganna Balla'Na Batara. Ri ampi'na pakke'bu' antamaya ri kamara' matangkasaka, ri alla'na tampa' pakkoro'bangnganga siagang loronga, nia' tau ruampulo allima jaina. Nabokoi ke'nanga kamara' matangkasaka, siagang su'juki ke'nanga a'dalle' anrai' anynyomba mae ri mataallo ammumbaya.

PAOLE 11:16

Teako erokki nipakabella battu ri Batara untu' anynyomba siagang ampare' atai kalennu mae ri rewata-rewata maraenga.

PAOLE 17:3

siagang parentaNa Karaeng Allata'ala lanri anynyombana siagang napare' atana kalenna mae ri rewata-rewata maraenga, yareka mae ri mataalloa, bulanga yareka bintoenga.

PAOLE 4:19

Teako dorakai lanri anynyombanu yareka nupa'matu-matuna kalennu mae ri apa niaka nucini' ri langika, kammaya: mataallo, bulang siagang bintoenga. Bansa maraenga Nabalang parekangi Karaeng Allata'alanu ansombai anjo barang-barang kammaya.