AYUB 31:17 - KITTA' MATANGKASA'

¹⁷ Tenale'bakai kubalang parekang ana' kukanga cipuru', nampa inakke ganna' ri kanre.

AYUB 31:17 ပူးပေါင်းရင်းမြစ်များ

NEHEMIA 8:10

Kamma-kamma anne ammotere' mako; angnganre angnginung mako a'rannu-rannu. Passareangi sipa'gang kanrenu siagang anggoro'nu mae ri tau kakuranganga. Anne alloa, allo nipakatangkasa' untu' Batara, jari teako susai. Karannuang Napassareanga Batara lampakajarrekko.”

ESTER 2:7

Nia' cikalinna tulolo, sannaka ga'gana tanja'na siagang sannaka baji'na kalenna. Arenna iamintu Ester, naareng Ibranina iamintu Hadasa. Matemi tau toana, nanipa'jari ana' piaramo ri Mordekhai, nipasangkamma ana' kalenna.

AYUB 22:7

Tau posoa tena nusarei je'ne' inung, tau cipuruka tena nupirarai kanre.

AYUB 31:18

Battu ri ca'dina kuparakai ke'nanga; kupimpingi ke'nanga lalang tallasakku.

AYUB 31:21

Ebara' angkana le'baka' anjallakkangi ana' kukanga, lanri tappakku angkana lammeta' ri parkaraku,

YEHEZKIEL 18:16

yareka najallakkang yareka naella' paranna tau. Tuli napoterangi barang-barang napappita'gallanga taua mae ri ia. Tau cipuruka nasarei kanre na tau tenaya bajunna nasarei pakeang.

YEHEZKIEL 18:7

Tale'bakai annipu yareka angngella'. Barang-barang napappita'gallanga taua mae ri ia tuli napoterangi. Tau cipuruka nasarei kanre na tau tenaya bajunna nasarei baju.

LUKAS 11:41

Anjo bageang lalanganna mangko'nu siagang pirinnu, iaminjo musti nupassareang mae ri tu kasi-asia. Punna kammamo anjo batenu, ma'nassa la'jari tangkasa' ngasemmi ri kalennu.

YOHANES 13:29

Nia' ri ke'nanga angkapangi, angkanaya nisuroi kutadeng Yudas mange ammalli apa-apa nikaparalluanga untu' anjo passua'-suarranga. Yareka nisuroi kutadeng Yudas assarei sike'de' doe' tu kasi-asia – nasaba' Yudas nisuro anta'galaki doe'na ke'nanga.

LAMPA-LAMPANA 4:32

A'julu atimi siagang a'julu nyawa ngasemmi anjo sikontu tau tappaka. Punna nia' apa-apanna ke'nanga, tena manna sitau langkana anjo apa-apaya ia bawang pata. Sikontu apa niaka ri ke'nanga, napassama-samaimi napake.

ROMA 12:13

Tulungi parannu tu Karisteng ampa'gannaki kaparalluanna, siagang pakate'nei atinnu antarimai julu tappa'nu tenaya nuassengi ke'nanga antama' ri balla'nu.

PAOLE 15:11

Ri alla'na bansa Israel tuli lania'na siapa are tu kasi-asi siagang kakurangang. Lanri kammana anjo nakuparentakangko sollannu lammoro' pa'mai' mae ri ke'nanga.”

PAOLE 15:14

Sarei siagang lammoro' pa'mai'nu apa Napassareanga Karaeng Allata'alanu mae ri kau, iamintu: gimbala', gandung siagang anggoro'.

YAKOBUS 1:27

Tutu situlusu'na siagang sitojennaya ri agamaya situru' paccini'Na Allata'ala, iamintu annulunga ana'-ana' kukang siagang janda-janda kasi-asi, kammayatompa mangngatutui ri kale sollanna tena nanipanraki ri anne linoa.

1 YOHANES 3:17

Punna nia' tau angkammai pa'barang-baranganna linoa, nampa nacini' paranna tau kakurangang, mingka taerokai antulungi anjo paranna tau, antekamma lakkulle nikana nakamaseangi Allata'ala?