AYUB 31:16 - KITTA' MATANGKASA'

¹⁶ Tenale'bakai takutulunga tau kamase-masea, yareka kubalang parekang janda tappu' minasaya ri tallasa'na.

AYUB 31:16 ပူးပေါင်းရင်းမြစ်များ

AYUB 20:19

Saba' najallakkangi siagang napakkasi-asi tau tenaya apa-apanna; narampasaki balla' tenaya nabangungi.

AYUB 5:16

Anne kamma nia' pole pa'minasang mae ri tau tenaya pa'minasana. Na'mereki tamakkana-kana tau ja'dalaka, lanri nitongko' bawana ri Allata'ala.

PAMMUJI 112:9

Lanabage-bagei barang-baranna, siagang assare passidakka mae ri tu kasi-asia; tuli nagaukangi bajika, lanri kammanami nakoasa siagang nipakalompo.

PAMMUJI 119:123

Paccemi matangku antayangi bantuanTa appasalamaka, kutayangi pambebasang Kipa'janjianga.

PAMMUJI 119:82

Mangngangi matangku antayangKi' anrupai janjinTa, kukana, “Angngapapi nalaKisaleoria'?”

PAMMUJI 69:3

Tappeccorokka' antama' ri je'ne' lantanga, tena pattuppuangku. Tallanga' ri je'ne' lantanga, nilo'lorang ri bombang manaika.

KALAPPASSANG 22:22

Teako bawang-bawangngangi jandaya yareka ana' kukanga.

PANGNGEBARANG 22:22

Teako pakarugi tu kasi-asia, kalanri lammana bawang; na punna ri pangadelang teako alle passai ha'na tu tenaya pakkullena.

PANGNGEBARANG 31:20

Tena nagi'gili' mae ri tau kakuranganga; baji' pa'maiki mae ri parallua nitulung.

YESAYA 10:2

Kammaminjo caranu anrompai tu kasi-asia anggappai ha'na siagang kaadelanga, siagang nurampasa' apa-apanna sikamma jandaya siagang ana' kukanga.

YESAYA 38:14

Sa'rangku pila' ca'dimi na pila' lamma, rapang jangang-jangang bodobangkeng akkunrareng. Mangngammi matangku acconga nai' ri langi', Batara, Kilappassanga' battu ri anne kasusaanga.

PIRAUNG 4:17

Mangngammi matanna ikambe attayang pannulung tenaya nabattu-battu. Manrannuangi ikambe ri pannulunna senreang bansa, mingka tenaya nakkulle assare apa-apa.

YEHEZKIEL 18:16

yareka najallakkang yareka naella' paranna tau. Tuli napoterangi barang-barang napappita'gallanga taua mae ri ia. Tau cipuruka nasarei kanre na tau tenaya bajunna nasarei pakeang.

KAIMANGNGANG 25:35

Punna nia' tau julu bansanu ammantanga ri alla'nu tu'guru' kasi-asi siagang takkulleai naongkosi tallasa'na, ikau musti nubantui anjo taua sangkamma tau battu-battua yareka bansa maraeng ammantanga ri alla'nu, sollanna akkulle napatulusu' tallasa'na ri alla'nu.

MATIUS 23:14

Cilaka ngaseng mako ikau guru-guru agamaya siagang tu Farisia lanri nungaina assara-saraia. Nutipui janda-jandaya, nanualleang balla'na. Nalanri ero'na nucokkoi kaja'dallannu, nula'bu-la'buimi punna assambayangko. Lanri kammana minjo nabattala' sikali sallang hukkungannu!]

MATIUS 25:17

Kamma tomminjo nagaukanga palayang annarimaya ruassa'bu doe' ringgi' bulaeng; nanggappamo passawallang ruassa'bu doe' ringgi' bulaeng.

LUKAS 16:21

Manna kongkonga battu tommi allepaki puru-puruna. Naero' dudumo nasa'ring angnganre, manna sesa-sesa kanre tu'gurukamo battu ri mejang pangnganreanna anjo tau kalumanynyanga.

LAMPA-LAMPANA 11:29

Jari assamaturu'mi sikamma tau tappaka ri Isa, ero' appikatu sumbangang mae ri sikontu sari'battang niaka ammantang ri Yudea; massing appikatumi ke'nanga situru' pakkullena.

GALATIA 2:10

Se'reji bawang pappala'na ke'nanga mae ri kambe, iamintu parallui niparhatikang tu kasi-asia. Na inakke teai sipato' sannanna nyawaku anggaukangi anjo kammaya.

PAOLE 28:32

Lanipassareangi ri dallekanna matannu sikamma ana'nu salaku ata mae ri bansa maraenga. Allo-allona pacce matannu amboyai anjo ana'-ana'nu, mingka tena matu-matunna usahanu, nasaba' tenamo nalammotere' ke'nanga.

YAKOBUS 1:27

Tutu situlusu'na siagang sitojennaya ri agamaya situru' paccini'Na Allata'ala, iamintu annulunga ana'-ana' kukang siagang janda-janda kasi-asi, kammayatompa mangngatutui ri kale sollanna tena nanipanraki ri anne linoa.