AYUB 31:13 - KITTA' MATANGKASA'

¹³ Ri wattuna akkunrareng atangku lanri kupassala-salang ha'na, kupilangngeri kunrarenna, na kubajiki gaukku mae ri ia.

AYUB 31:13 ပူးပေါင်းရင်းမြစ်များ

AYUB 31:14

Punna tena, antekamma bateku musti andallekang ri Allata'alaku? Apa pialingku punna battu sallang angngadelia'?

KAIMANGNGANG 25:43

Jari tu Israel ambalukangai kalenna mae ri kau takkulleako a'gau' kasara' mae ri ia. Paralluko malla' mae ri Allata'alanu.

KAIMANGNGANG 25:46

siagang akkulle tongi nupa'jari warisi' mae ri sikamma ana'nu untu' a'jari atanna ke'nanga lalang sikontu tallasa'na. Mingka sangkammannu tu Israel takkulleai nukasarri.

EFESUS 6:9

Ikau a'jari pinggawaya! Paralluko assipa' kamma todong anjo mae ri pajama-jamanu. Tea' mako pakei sipa'-sipa' a'garattaka siagang appakamallaka. U'rangi angkanaya ikau siagang anjo pajama-jamanu, nia' se're pinggawa nupa'jului, iamintu Batara ri suruga. Anjo Batara tena nammile tau.

KOLOSE 4:1

Ikau ngaseng a'jari pinggawaya! Paralluko a'gau' tojeng siagang adele' mae ri palayang-palayannu. U'rangi angkanaya nia' todong se're pinggawanu ri suruga.