AYUB 30:19 - KITTA' MATANGKASA'

¹⁹ Nipatappasakka' antama' ri peoka, a'jari sanrapang mama' loro!

AYUB 30:19 ပူးပေါင်းရင်းမြစ်များ

PA'JARIANG 18:27

Nakanamo pole Abraham, “Kipammopporanga' lanri baraniku ansambungi anne apa nibicaraya, Batara. Inakke anne poro tulinoja' bawang, siagang tena hakku untu' appau.

AYUB 2:8

Nampa ammempomo ri ampi'na pa'loroanga, siagang angngallei reppe' kaca untu' napake appagaru ri kalenna.

AYUB 42:6

Lanri kammana anjo, tu'guru' siri'-sirika' punna kuu'rangi sikamma kana-kanangku na kusassala' kalengku ammempoma' lalang ri limbu'buka siagang aua.”

AYUB 9:31

Natallangnganga' Allata'ala lalang ri ra'masaka, sa'genna manna pakeangku nakana ngaseng appakaringi'-ringika'.

PAMMUJI 69:14

Mingka appala' doanga' mae ri Katte, o, Batara, o, Allata'ala, pialia' punna baji' wattua. Kitulung laloa' lanri pangngamaseang lompoTa siagang lanri tamamminraTa.

YEREMIA 38:6

Nampa naallea' ke'nanga siagang napanaunga' siagang otere' antama' ri bungunna Malkia ana' bura'nena karaenga, niaka lalang ri paranglakkenna balla' karaenga. Tena je'ne'na anjo bungunga, poro peo'ji bawang lalang; nakuantama'mo ri peoka anjo.