AYUB 30:15 - KITTA' MATANGKASA'

¹⁵ Nikalimbukima' ri bala lompo; rapang anging mammiri', allalomi anggaranna kalengku; rapang rammang allalo, tappela'mi mate'neku.

AYUB 30:15 ပူးပေါင်းရင်းမြစ်များ

AYUB 10:16

Punna nia' wassele' bajikku, manna tena siapa, Kiondanga' sanrapang singa. Nampa Kipappicinikang ammotere' koasaTa, poro untu' ampakamallaka'.

AYUB 3:25

Sikontu kukalussakkanga, iami antuju ngasenga', sikontu kukamallakkanga, iami ambakkaia'.

AYUB 30:14

Sanrapang a'ba ke'nanga nalappoi tembo' pattahangangku; assama-samai ke'nanga battu anjallakkangi tubuku.

AYUB 31:23

Tena kula'gau' kammanjo, saba' hukkunganNa Allata'ala sanna' Napakamalla'na pa'maikku.

AYUB 6:4

Pana battua ri Kaminang Koasaya natarrusuki kalengku; a'la'bangi racunna ri sikontu nyawa siagang batangkalengku. KahebakkanNa Allata'ala sanna' appakamalla'na, na battu ambakkaia' sanrapang pasukang musu.

AYUB 7:14

Mingka Kipakamallaka' lalang so'na; appabattuKi' so'na kodi siagang pikkirang takamma-kamma.

AYUB 7:9

Sanrapang rammang ta'bayang nampa lanynya', taua lamate tongi, talammoterai. Sikontu tau le'baka angngassengi anjo taua, takkaluppami mae ri ia, tenamo angngu'rangi.

PAMMUJI 55:3

Kiparhatikanga' siagang kipialia', ancuruka' lanri kasusaangku.

PAMMUJI 88:15

O Batara, angngapa Kitollaka'? Angngapa Kiallei rupanTa battu ri nakke?

PAMMUJI 88:16

Battu ri ca'diku inji kuballasa' siagang niodo' ri kamateang, dodonga' ampisa'ringi hukkunganTa.

YESAYA 44:22

Kasalannu Kubongkai rapang rammang, dosanu Kupakabellai rapang saliu'. Ammotere' mako mae ri Nakke, saba' le'ba' mako Kupakabebasa'!”

HOSEA 13:3

Lanri kammana anjo lalanynya' kabusuki anjo taua rapang allung yareka saliuka ri wattu bari'basa'na alloa. Lasanrapangi ke'nanga limbu'bu' niri'bakang ri anging ri panggilingang gandunga, siagang sanrapang umbu assuluka battu ri rateanna pattunuanga.

HOSEA 6:4

Mingka Nakana Batara, “He tu Israel siagang tu Yehuda! Apa musti Kugaukang mae ri kau ngaseng? Pangngainnu mae ri Nakke poro sinampe'ji natenamo, rapang saliuka ri wattu bari'basa'.