AYUB 29:18 - KITTA' MATANGKASA'

¹⁸ Minasangku erokka' angkasiaki la'bu umurukku, na kumate siagang sannang ri balla' kalengku.

AYUB 29:18 ပူးပေါင်းရင်းမြစ်များ

PA'JARIANG 32:12

Kiu'rangi angkanaya le'ba' maKi' a'janji Batara, angkanaya laKiatoro' baji' ngasengi sikontu-kontuna untu' inakke siagang Kisarea' majai turungang. Tena manna sitau lakkulle anrekengi lanri sanrapangi kassika ri biring tamparang jaina.”

PA'JARIANG 41:49

Anjo gandung napasse'rea teai sipato' jaina. Sa'genna tenamo nalitereki Yusuf lanri jaina sanrapangi kassika ri biring tamparanga.

AYUB 29:17

Mingka kutepoki koasana tau pallaka, na kupasalama' tau eroka napa'jari koro'banna.

AYUB 29:19

Sanrapanga' poko' kayu copponga timbona, gannaki ri je'ne' aka'na, nibasai ri saliu' tangke ca'dina.

AYUB 5:26

Sanrapang gandung toa, nikattoi ri wattunna, ikau pole labajiki tallasa'nu sa'gennu toa.

PAMMUJI 91:16

LaKupassukkuki pa'mai'na naKupakala'bu umuru'na, siagang Kupasalamaki.”

YEREMIA 22:23

Amangko ammantang nitammulili ri benteng camara Libanon, mingka sallang punna natuju mako kapa'risang, lasessa mako rapang baine eroka ammana'.”

YEREMIA 49:16

Lanitipuko ri katampoannu. Tena lamalla' ri kau kamma nukapanga. Ammantangko ri alla'-alla'na batua, bella ri coppo'na monconga. Mingka, manna pole nupare' balla'nu ri tampa' tinggi dudua, sangkamma tinggina ru'munna jangang-jangang rajawalia, mingka laNapanaungko Batara battu anjoreng. Batara ampaui yangasenna anjo.”

OBAJA 1:4

Manna pole nupare' balla'nu santinggi ru'munna jangang-jangang rajawali, siagang santinggi bintoenga ri langi', mingka ma'nassa laKutu'gurangko.

HABAKUK 2:9

Nitunraiko ikau! Nupa'jari kalumanynyangi kaluarganu battu ri passawallang nugappaya lanri gau' palla'nu, sollanna balla' kalennu a'jari amang siagang bellai battu ri kasusaanga siagang balaya.