AYUB 29:12 - KITTA' MATANGKASA'

¹² Saba' kutulungi tu kasi-asi appalaka bantuang; kubantui ana' kukang tenaya antallassi.

AYUB 29:12 ပူးပေါင်းရင်းမြစ်များ

AYUB 24:4

Narompai tu kasi-asia anggappai ha'na, jari tarpassa accokkomi tukamase-masea.

AYUB 24:9

Tau ja'dalaka napa'jari atai ana' tenaya anrong manggena, na naalle ana' lolona tau kainranganga ri ia.

AYUB 30:25

Sai sipangngarrukanga' siagang tau susaya, siagang kukamaseangi tau kakuranganga?

AYUB 31:17

Tenale'bakai kubalang parekang ana' kukanga cipuru', nampa inakke ganna' ri kanre.

AYUB 31:18

Battu ri ca'dina kuparakai ke'nanga; kupimpingi ke'nanga lalang tallasakku.

AYUB 31:21

Ebara' angkana le'baka' anjallakkangi ana' kukanga, lanri tappakku angkana lammeta' ri parkaraku,

AYUB 34:28

Ke'nanga passabakkang nakkunrareng tu kasi-asia, karru'na ke'nanga nilangngereki ri Allata'ala.

PAMMUJI 68:5

Makkelongko mae ri Allata'ala, pujimi arenNa, pasadiai agang lompoa labattua a'dongko' rammang. ArenNa Batara, assannang-sannang mako ri dallekanNa!

PAMMUJI 72:12

Saba' nalappassangi tu nijallakkanga siagang tu tenaya pakkullena, siagang akkioki tu kasi-asia mae ri ia.

PAMMUJI 88:4

Nitujua' ri jai kasusaang; nia'mi ri pakke'buka kamateanga.

PANGNGEBARANG 21:13

Inai taeroka mappilangngeri ri kunrarenna tau kakuranganga, tena todong nalaniparhatikang punna appala' tulung.

PANGNGEBARANG 31:8

Alleangangi ke'nanga tau tenaya nakkulle naallei kalenna. Jagai ha'na sikontu tau tenaya pakkullena.

PAOLE 10:18

Naalleangangi ha'na ana'-ana' kukanga siagang jandaya, sollanna akkulle nakasia' ke'nanga kaadelanga; Nakamaseangi tubattu-battua niaka sipattallassang siagang bansata na Nasare ke'nanga kanre siagang pakeang.

YAKOBUS 1:27

Tutu situlusu'na siagang sitojennaya ri agamaya situru' paccini'Na Allata'ala, iamintu annulunga ana'-ana' kukang siagang janda-janda kasi-asi, kammayatompa mangngatutui ri kale sollanna tena nanipanraki ri anne linoa.