AYUB 28:23 - KITTA' MATANGKASA'

²³ Allata'alaji bawang angngassengi tampa'na kacara'dekanga, Iaji bawang angngassengi oloanga mange anjoreng,

AYUB 28:23 ပူးပေါင်းရင်းမြစ်များ

AYUB 28:12

Mingka kemae kacara'dekanga akkulle niboya? Kemaeki' akkulle appilajara' sollanna nikkulle pahang?

AYUB 28:20

Kemae kabattuanna kacara'dekanga? Kemaeki' akkulle anggappa pammahang?

AYUB 9:4

Allata'ala sanna' cara'de'na siagang sanna' koasana; inai akkulle attahang ambaliangi?

PAMMUJI 147:5

Tamaka lompona siagang heba'Na Batarata, kacara'dekanNa tenanjorenganna.

PAMMUJI 19:7

Najappai langika battu ri cappa' se'rea mange ri cappa' maraenga; tena tanitaba ri bambanna.

PANGNGEBARANG 2:6

Batarami assare kacara'dekang; battu ri Iami rupataua anggappa pangngassengang siagang pammahang.

PANGNGEBARANG 8:14

Inakkemi assare pikkirang. Na inakke todong ampa'rupai. Inakke cara'de' na kugassing todong pole.

KATO'BA 7:24

Inai akkulle anggappai battuanna anne tallasaka? Tamaka lantanna untu' akkulle nipahang!

MATIUS 11:27

Nampa Nakana Isa, “Yangaseng-ngasenna le'ba'mi Kipassareang mae ri Nakke. Tenanniakka manna sitau angngassengi AnatTa, pantaranganna iKatte. Tenanniakka todong angngassengKi', pantaranganna AnatTa, siagang sikamma tau le'baka Kupauang.

LAMPA-LAMPANA 15:18

le'baka Napabattu memang ri jammang riolo.”

ROMA 11:33

Teai sipato' heba'na kakalumanynyanganNa Allata'ala! Teai sipato' tinggina kacara'dekanNa siagang pangngamaseanNa! Maka inai akkulle ampappilajari sikamma apa le'baka Napattantu? Maka inai akkulle ampahangi cara-caraNa anjama?

1 KORINTUS 1:30

KalenNa Allata'ala ampasse'rei katallassannu siagang Isa Almasi. Tete ri Isa Almasi nanipa'jariki' cara'de'. Siagang tete ri Iatommi naNapasibajiki maki' Allata'ala mae ri KalenNa, iamintu Napa'jari maki' umma'Na, kammayatompa Napa'jari bebasa' maki'.

YUDAS 1:25

Iami Allata'ala, tenaya ruanNa; Iami ampasalamakki' tete ri Isa Almasi Batarata. Iami Allata'ala Mala'birika, Malompoa, Makoasaya, kammayatompa Magassinga battu riolo sa'genna kamma-kamma anne kammayatompa sa'genna satunggu-tungguna! Aming.