AYUB 28:21 - KITTA' MATANGKASA'

²¹ Tena apa-apa attallasa' le'ba' anciniki, ba'lalo jangang-jangang ri allaka tena todong naciniki.

AYUB 28:21 ပူးပေါင်းရင်းမြစ်များ

AYUB 28:20

Kemae kabattuanna kacara'dekanga? Kemaeki' akkulle anggappa pammahang?

AYUB 28:22

Manna kamateanga siagang kapanrakanga angkana todong, poro kabara'ji bawang nalangngere' ke'nanga.

MATIUS 11:25

Anjo wattua appala' doammi Isa Nakana, “O ManggeKu, Batara Makoasaya ri langika siagang ri linoa! Appala' sukkurukKa' ri Katte, lanri Kirahasiakanna ngaseng anne mae ri tau cara'deka siagang tau niaka pangngassenganna; mingka Kipappiassengangi mae ri tu tenaya sikolana.

MATIUS 13:17

U'rangi, angkanaya jai na'bi siagang umma'Na Allata'ala ero' anciniki anne apa nucinika ri kamma-kammaya anne, mingka takkulleai nacini' ke'nanga. Eroki ke'nanga allangngereki anne apa nulangngereka ri kamma-kammaya anne mingka takkulleai nalangngere' ke'nanga.”

MATIUS 13:35

Lanri kammana, a'rupami apa le'baka napau na'bia angkana, “PungKu a'bicara ri ke'nanga pangngebarang Kupake Kupakasingara' ngasengi mae ri ke'nanga apa-apa taccokkoa battu ri uru kajarianna anne linoa.”

KOLOSE 2:3

Almasimi ampa'nyatai sikontu apa-apa tenayapa niassengi battu ri kacara'dekanNa siagang pangngassenganNa Allata'ala, ia taccokkoa riolo.