AYUB 28:18 - KITTA' MATANGKASA'

¹⁸ Bella tinggina anggaranna kacara'dekanga na giwang, intang, siagang mutiara.

AYUB 28:18 ပူးပေါင်းရင်းမြစ်များ

PANGNGEBARANG 20:15

Kana-kana ammonea pangngassengang, tinggiangngangi anggaranna kala bulaenga na barlianga.

PANGNGEBARANG 3:13

Maupaki tau a'jari cara'deka siagang anggappaya pangngassengang.

PANGNGEBARANG 3:15

Tinggiangngangi anggaranna na batu paramataya; sikontu apa-apa nukacinnaiya takkulleai napasangkammai.

PANGNGEBARANG 31:10

Baine cara'deka sukkaraki nigappa; lompoangngangi anggaranna na intang barliang.

PANGNGEBARANG 8:11

Inakkemi kacara'dekang, la'biangngang anggaranna na barliang; takkulleai nipasanrapang siagang sikontu apa nukacinnaia.

PIRAUNG 4:7

Riolo pamimping-pamimpinna ikambe ci'nongi keboki kontu kapasa' matangkasaka. Mingka kassaki na gassing, akkamalei na tena garrinna.

YEHEZKIEL 27:16

Padanggang battua ri pa'rasangang Siria naballi barang-barang danggangannu siagang anjo wassele'nu jaia. Nabayarakko ke'nanga siagang paramata battu ri batu samru', kaeng cura' eja na lame butung, kaeng sulang, lenang alusu', paramata battu ri batu korala' siagang batu eja delima.

MATIUS 7:6

Teako assarei barang matangkasa' mange ri kongkonga, sollanna tena na'giling ri kau ambakkaiko. Tea tongko assarei mutiara mange ri bawia, sollanna tena naonjo'-onjokangi anjo mutiaraya.”

1 TIMOTIUS 2:9

Kukellai tongi tubai'-bainea sollanna tena nata'liwa'-liwa' dudu batena a'mode yareka ammake pakeang. Teako ta'liwa' dudu batenu ammodei uu'nu yareka ambelo-beloi kalennu siagang bulaeng yareka mutiara, yareka pakeang-pakeang ka'jalaka ballinna.

PAPPICINI' 17:4

Anjo bainea ammakei baju lango-lango siagang eja toaya tanja'na, kammayatompa nibelo-beloi siagang belo-belo bulaeng, paramata, siagang mutiara. Na ri limanna nia' nata'gala' se're mangko' bulaeng rassia bonena siagang apa ra'masaka siagang kodi dudua, wassele' panggaukang bawanna.

PAPPICINI' 18:12

Tenamo amballi bulaenna, pera'na, paramatana, siagang mutiarana ke'nanga; kammayatompa kaeng lenang, kaeng lango-lango, sa'be, siagang kaeng eja toa; a'rupa-rupa kayu langkaraka nigappa, barang-barang gadinga siagang kayu-kayu ka'jalaka ballinna, tambagaya, bassia siagang batu laccu' keboka;

PAPPICINI' 21:21

Anjo sampuloa anrua pakke'bu' lompona iamintu sampulo anrua mutiara; tasse're-se'rea pakke'bu' massing mutiara nipare'. Agang lompona anjo kotaya sangnging bulaeng ti'no' nipare', ci'nong nicini' sangkamma kaca accillaka.