AYUB 27:23 - KITTA' MATANGKASA'

²³ Attempa limai taua ri wattunna tu'guru'; kemae-kemaei nihina.”

AYUB 27:23 ပူးပေါင်းရင်းမြစ်များ

1 KARAENG-KARAENG 9:8

Anne balla' passambayanganga la'jari se're pa'gompoang batu-batu ta'bongkara', sa'genna sikamma tau ammaloa anjoreng lata'bangka ngasengi siagang a'jari sannaki malla'na anciniki. Lanakana ke'nanga, ‘Angngapa Napakammai anne Batara anne pa'rasanganga siagang anne ballaka?’

AYUB 18:18

Battu ri singaraka nibongkai antama' ri sassang; nibongkai battu ri lino katallassang.

AYUB 20:8

Lalanynyaki sanrapang bayang-bayanna so'naya, lanynya' sanrapang paccini' ri wattu bangngia.

AYUB 28:1

“Nia' pangngekeang kemae nibuntulu' peraka; nia' tampa' kemae nipici'nongi bulaenga.

AYUB 34:37

Anjo kasalanna natambai pole sirupa dosa; angngewai mae ri Allata'ala, siagang nahinai ri dallekanta ngaseng.”

PANGNGEBARANG 11:10

Accayai kotaya punna anggappa dalle' tau lambusuka; akkio' rannui ra'yaka punna mate tau ja'dalaka.

YEREMIA 19:8

LaKupabattui bala lompoa ri anne kotaya sa'genna sikamma tau ammaloa anjoreng lata'bangkai siagang lamalla' ngasengi.

PIRAUNG 2:15

Sikontu tau allaloa, maccalla ngaseng ri kau, lanri ancuru'nu kabusu'mo. Ammenggong-menggong ulunna ke'nanga, na nakana, “Iakaminjo kota kaminang ga'gaya, kota kalompoanna linoa?”

YEHEZKIEL 25:6

Nakana Batara Kaminang Tinggia, “Attempa limako siagang a'rannu-rannuko. Nupakatunai butta Israel.

MIKHA 6:16

Yangasenna anjo kammaya kajariangi lanri nuturukinna panggaukang-panggaukang ja'dala'na Karaeng Omri siagang ana'na, iamintu Karaeng Ahab. Nupinawangi cara-carana ke'nanga. Lanri kammana anjo laKuancuru' ngasengko, siagang lanicau-cauko kammayatompa lanihinako ri sikontu bansaya.”

NAHUM 3:19

Bokka'nu takkulleai niballei, siagang loko'-loko'nu takkulleami pia. Sikontu tau allangngerekai kaancurannu attempa limami napakamma rannu. Nasaba' sessa ngasemmi taua napakamma anjo kaja'dallannu kala'busanga.

ZEFANYA 2:15

Iaminjo lakajarianga mae ri anjo kota ma'reja-rejaya siagang nakanaya kalenna amang siagang sannang. Pandudu'na nakapangi angkanaya anjo kotana ke'nanga kaminang lompo ri linoa. Teai sipato' sinona anjo daeraya, tena sikali bonena pantaranganna olo'-olo' ri romang a'ru'munga anjoreng! Sikamma tau niaka allalo anjoreng ri kotaya la'jari ta'bangka kabusuki siagang la'jari mallaki nakasia'.

PAPPICINI' 18:20

He, surugaya, a'rannu-rannuko lanri posso'na anjo kotaya. He, Umma'Na Allata'ala, suro-suroa, siagang na'bi-na'bia ma'rannu-rannuko! Nasaba' nihukkummi ri Allata'ala anjo kotaya, a'jari pa'balasa' mae ri apa-apa le'baka nagaukang mae ri kau ngaseng!