AYUB 27:20 - KITTA' MATANGKASA'

²⁰ Battumi bala lompoa antujui sanrapang je'ne' a'ba ti'ring battua. Anging puttusu' ri wattunna bangngi anri'bakangi siagang anre'resangi a'lampa.

AYUB 27:20 ပူးပေါင်းရင်းမြစ်များ

2 KARAENG-KARAENG 19:35

Ia memang anjo bangngia nabattumo Malaeka'Na Batara ri pakkemaanna tu Asyur siagang nabuno tantarana nia' 185.000 jaina. Ammukona bari'basa' tassimbungi mange-mange maya'na ke'nanga.

AYUB 15:21

Sa'ra-sa'ra hebaka lanreppeki tolinna; ri wattu amanga battui paellaka ambakkai.

AYUB 18:11

Nipabangkai tau ja'dalaka ri apa appakamalla' niaka battu ri kere-keremae; sangnging malla' ampinawangi dakka-dakkana.

AYUB 20:23

Ri wattu sibu'na ambonei battanna, sanna'mi larroNa Allata'ala nampa nihukkung.

AYUB 20:8

Lalanynyaki sanrapang bayang-bayanna so'naya, lanynya' sanrapang paccini' ri wattu bangngia.

AYUB 21:18

Le'bakkai ke'nanga rapang rarame siagang limbu'bu' niri'bakang ri anging puttusu' siagang anging allaloa?

AYUB 22:16

Niparuntangi ke'nanga ri tenanapa narapiki wattu kamateanna, na nianyukang ri je'ne' aba' antujuai.

AYUB 24:18

Nakanamo Zofar, “Tau ja'dalaka nianyukangi ri je'ne' a'ba, buttana nitunrai ri Allata'ala; koko anggoro'na a'jari sinoi; tenamo tau anjama anjoreng.

AYUB 34:20

Ri tangngana bangngia, ti'ring mate silalonna ke'nanga. Nahukkungi Allata'ala pamarentaya, na ancuru'mo ke'nanga; gampang sikali bateNa ambunoi ke'nanga tu barania.

PAMMUJI 18:4

Makkioka' ri Batara, siratanga nipuji, Ia allappassanga' battu ri musu-musungku.

PAMMUJI 42:7

Ancuruki pa'maikku anrinni ri pa'rasangang pammelakkanga anne, lanri kammanami kungngu'rangi ri Batara. Ammanyuki nyawaku nalo'lorang kasi'nang, natujua' a'bana karicuang; sanrapang arrunna je'ne' tu'guru'na Binanga Yordan battu ri Moncong Hermon siagang Moncong Mizar.

PAMMUJI 83:16

Ondangi ke'nanga siagang anging lompoTa, pabangkai ke'nanga siagang anging puttusutTa.

PAMMUJI 90:5

Kilo'lorangi ikambe; sanrapang so'na, sanrapang ruku' accu'la';

KALAPPASSANG 12:29

Ri wattu lantanna anjo bangngia Nabunomi Batara sikontu ana' bura'ne bungasa'na bansa Mesir, appakkaramula battu ri ana'na karaenga, sa'genna mae ri ana'na tau nitarungkua. Sikontu olo'-olo' bungasaka lassu' nibuno ngaseng tommi.

DANIEL 5:30

Anjo memang bangngia nibuno memammi anjo Belsyazar karaeng Babel.

YUNUS 2:3

Kipasambila' antama' ri tampa' lantanga, sa'genna irawanganna tamparanga. Anjorenga' nitammulili ri lo'loro'na je'neka, napatappasakka' bombang lompoa.