AYUB 26:14 - KITTA' MATANGKASA'

¹⁴ Mingka yangasenna anjo kammaya poro pammateiji ri kakoasanNa poro pa'bici'naji battua mae ri tolinta. Tamaka sike'de'na pammahanta ri passala' kahebakkanna koasaNa Allata'ala!”

AYUB 26:14 ပူးပေါင်းရင်းမြစ်များ

AYUB 36:29

Tena manna sitau ampahangi gio'na rammanga siagang sa'ra gunturuka ri langi' pammantanganNa Allata'ala.

AYUB 37:4

Nampa, nia' kalangngerang sa'ranNa ammarrung, sa'ra rammang siagang gunturu'; na ri alla'na anjo sa'ra a'galatturuka, akkila'-kila'mi kilaka ri kere-keremae.

AYUB 37:5

Lanri parentaNa Allata'ala, na'jarimo apa appakalannasaka, iamintu apa-apa tenaya nakkulle nipahang ri akkalatta.

AYUB 4:12

Le'baki nia' pappiunju' battu ri nakke, sanrapang tau a'bici' alusu' mae ri tolingku.

AYUB 40:9

Maka gassing kammako iNakke? Maka akkullei sa'rannu a'gunturu' kamma sa'rangKu?

AYUB 42:5

Riolo, pangngassengangku mae ri Katte apa kulangngere'ji battu ri taua, mingka kamma-kamma anne kuassengKi' lanri assidallekangKi'.

PAMMUJI 139:6

Tamaka lantanna mae ri nakke anjo pangngassenganTa, tanirapikai ri pikkirangku.

PAMMUJI 145:3

Saba' malompoi Batara siagang sanna' nipujiNa takkulleai nitarrusu' kalompoanNa.

PAMMUJI 29:3

Allata'ala malompoa a'gunturuki irateanna tamparanga, sa'ranNa kalangngerangi irateanna tamparang lompoa.

KATO'BA 11:5

Allata'ala ampa'jari sikontu apa-apaya, na takkullea napahang rupataua anjo Nagaukanga; kammayatompa tanapahangngai katallassang beru a'jaria lalang ri pammanakkanna se'rea amma'.

HABAKUK 3:4

BattuKi' lalang caya malompoTa, battu ri limanTa assulu' singara' lompoa, anjoremmi Kicokko koasaTa.

ROMA 11:33

Teai sipato' heba'na kakalumanynyanganNa Allata'ala! Teai sipato' tinggina kacara'dekanNa siagang pangngamaseanNa! Maka inai akkulle ampappilajari sikamma apa le'baka Napattantu? Maka inai akkulle ampahangi cara-caraNa anjama?

1 SAMUEL 2:10

Musu-musunNa Batara ancu'-ancuruki, mallaki ke'nanga; a'gunturuki battu ri langika. Batara angngadeli sikontu anne linoa, na Nasare koasa mala'biri' ri karaeng Nipilea.”