AYUB 24:9 - KITTA' MATANGKASA'

⁹ Tau ja'dalaka napa'jari atai ana' tenaya anrong manggena, na naalle ana' lolona tau kainranganga ri ia.

AYUB 24:9 ပူးပေါင်းရင်းမြစ်များ

2 KARAENG-KARAENG 4:1

Ri se'reang allo nia' sitau baine janda le'ba' baine na'bi a'lampa mange ri Na'bi Elisa nampa angkana, “Bapa', matemi bura'nengku! Nakiasseng tonja angkanaya anjo le'ba' bura'nengku tau mappilangngeri todong ri Allata'ala, mingka nia' inranna mae ri se'reang tau. Kamma-kamma anne battui anjo taua ero' angngalle rua anakku nampa napa'jari ke'nanga atanna, salaku pa'bayara' ri inranna tumate le'ba' bura'nengku.”

NEHEMIA 5:5

Sai ikambe anne tu Yahudi tonjaki'? Sai ana'na ikambe sangkamma tonji ana'-ana' tu Yahudi maraenga? Mingka manna nakamma tarpassa nalappassammi ana'-ana'na ikambe a'jari ata. Ba'lalo nia'mo ana' tulolonna ikambe le'ba' nibalukang a'jari ata. Tenamo pakkullena ikambe lanri le'ba'mi napappita'gallang kokonna siagang koko anggoro'na ikambe.”

AYUB 22:6

Punna takkullea nabayara' inranna sari'battannu, nurampasa' ngasengi pakeanna.

AYUB 24:10

A'lampai tu kasi-asia tamaccare-care; cipuruki ri wattu akkattona gandung ri kokoa.

AYUB 24:8

Nibasai ri bosi sarroa ri moncong, nampa napadakki' kalenna ri moncong batua untu' a'la'lang.

AYUB 29:12

Saba' kutulungi tu kasi-asi appalaka bantuang; kubantui ana' kukang tenaya antallassi.

AYUB 6:27

Ba'lalo ana' kukanga nupaccampallekangi sarenna, agang baji'nu nujekkongi sollannu kalumanynyang.

YESAYA 3:14

Langngallei tindakang Batara salaku Haking mae ri sikamma pamimpinna umma'Na. Naia tuduhanNa Batara mae ri ke'nanga, iamintu: “Ikau ngasemmi angngellaki sikamma wassele' koko anggoroka; balla'nu rassi siagang barang nurampasaka battu ri tau kasi-asia.

PAOLE 24:7

Inai-nai anculiki julu bansana, nampa nagau' sangkamma ata yareka naallei nabalukang, musti nihukkung matei anjo taua. Kammaminjo caranu ampaccappuki kaja'dallang kammaya anjo.