AYUB 24:20 - KITTA' MATANGKASA'

²⁰ Amma' kalenna angkaluppai, na nikanre tubuna ri gallang-gallang. Talaniitungami pole arenna; nipanraki sanrapang poko' tumbang.

AYUB 24:20 ပူးပေါင်းရင်းမြစ်များ

AYUB 17:14

Jerakku kuarengi ‘Manggeku’, na gallang-gallang angkanreai tubuku kusa'buki ‘Ammakku’ siagang ‘Sari'battang baineku.’

AYUB 19:10

Nalappassangngia' battu ri kere-keremae, sanrapang tau ambi'bu aka' lamung-lamung, nampa Nabolikka' ta'ronang na kalumeng, kammaminjo bateku Naalleang sikontu panrannuangku.

AYUB 19:26

Manna bokka'-bokka' siagang reppe'-reppe' bukkulengku, mingka lalang nia'na ija tubuku, laccinika' mae ri Allata'ala.

AYUB 21:26

Mingka ri jeraka, para anra'bai ke'nanga; nikatulung ri olo' siagang gallang-gallang.

AYUB 3:13

Ebara' angkana ammoteramma' anjo wattua, attinroma' siagang ammari-marima' sannang kusa'ring,

PAMMUJI 34:16

Naparhatikangi Batara tu bajika, Napilangngeri ke'nanga punna akkio' appala' tulung

PANGNGEBARANG 10:7

Pangngu'rangia mae ri tau bajika angngerangi barakka', mingka tau ja'dalaka lintaki nikaluppai.

KATO'BA 8:10

Le'baki kucini' tau ja'dalaka mate siagang nitarawang. Mingka ri wattunna ammotere' taua battu ri jera'na, nipujimi anjo tau matea ri ke'nanga anjoreng ri kota tampa'na anggaukangi kaja'dallanga. Jari, anjo sia-sia tonji.

YESAYA 26:14

Matemi ke'nanga siagang tenamo nalattallasa' poleang, talambangungami ammotere' rohna. Saba' cappu'mi ke'nanga le'ba' Kiancuru' siagang Kipela' ri pangngu'ranginTa.

YESAYA 49:15

Appialimi Batara, angkana, “Maka akkullei se'rea amma' angkaluppai ana'na, siagang tanasayangnga ana' kalenna? Manna pole na nakaluppai, mingka iNakke tena nalaKukaluppaiko!

DANIEL 4:14

Assa'ra lompomi angkana, ‘Ta'bangi anjo poko' kayua siagang polongi tangke-tangkenna, tu'gurangi leko'-leko'na siagang pasiaraki rapponna. Bongkai olo'-olo' niaka anra'ba irawanganna siagang jangang-jangang niaka a'ru'mung ri tangke-tangkenna.

MATIUS 3:10

Sadiami pangkulu' lanipata'banga ri poko' kayua sa'genna ri aka'-aka'na. Sikamma poko' kayu tenaya nabaji' rapponna lanita'bangi nampa nipela' antama' ri pepeka.