AYUB 24:17 - KITTA' MATANGKASA'

¹⁷ Sanna' malla'na ke'nanga mae ri bari'basaka, mingka sassang dudua, nakasannangngi.”

AYUB 24:17 ပူးပေါင်းရင်းမြစ်များ

1 KARAENG-KARAENG 3:20

Ri tangngana bangngia, lalang attinroku, ambangummi nampa naalle ana' loloku battu ri sa'ringku. Nampa naboli' anjo ana' loloku ri katinroanna, nampa anjo ana' lolona mateamo naboli'mi ri katinroangku.

AYUB 15:21

Sa'ra-sa'ra hebaka lanreppeki tolinna; ri wattu amanga battui paellaka ambakkai.

AYUB 16:16

Eja rupangku lanri angngarru'; akkambang na gau' tompo' matangku.

AYUB 3:5

Kipa'jari anjo alloa le'leng pakka', sassang makkapu' siagang anremeng; Kikalimbuki siagang saliu' na rammang, Kitongkoki natanatabaya singara'na alloa.

AYUB 38:13

Le'bakko assuroi alloa anta'galaki buttaya siagang nabe'besang tau ja'dalaka battu ri tampa' paccokkoanna ke'nanga?

YESAYA 28:19

Lanitujuko ri kacilakang situlusu'na, siagang musti nutanggong ngasengi anjo kammaya allo-allo, bari'basa', tangngaallo siagang bangngi. Lannekkerekko napakamma malla' punna nupahangi pappasanNa Allata'ala.

YEREMIA 2:26

Nakana Batara, “Rapang palukka' siri'-sirika ri wattunna nijakkala', kamma tomminjo batenu lasiri'-siri' ngaseng, he tu Israel, siagang sikamma karaenga, sikamma pamarentaya, siagang imang-imanga siagang sikamma na'bi-na'binu!