AYUB 24:14 - KITTA' MATANGKASA'

¹⁴ Ambangung subui battu ri tinrona pabuno-bunoa, nampa assulu' ammuno tukamase-mase, siagang ri tenanapa nabari'basa', a'dikki-dikkimi sangkamma palukka'.

AYUB 24:14 ပူးပေါင်းရင်းမြစ်များ

AYUB 24:13

Nia' tau antollaki singaraka siagang namusui, tanaassengai siagang tanaturukiai ke'nanga oloanna.

AYUB 24:4

Narompai tu kasi-asia anggappai ha'na, jari tarpassa accokkomi tukamase-masea.

YESAYA 3:14

Langngallei tindakang Batara salaku Haking mae ri sikamma pamimpinna umma'Na. Naia tuduhanNa Batara mae ri ke'nanga, iamintu: “Ikau ngasemmi angngellaki sikamma wassele' koko anggoroka; balla'nu rassi siagang barang nurampasaka battu ri tau kasi-asia.

LUKAS 12:39

U'rangi anne! Ka'de' naasseng patanna balla' angkanaya tette' siapa nalabattu palukkaka, tantu lanajagaiji sollanna tena nantama' anjo palukkaka ri balla'na.

1 TESALONIKA 5:2

Nasaba' baji'mi nuassenna ngaseng angkanaya anjo Allo kabattuanNa Batara lasanrapangi palukka' battua ri wattunna bangngi.

PAPPICINI' 3:3

Jari, u'rangi ammotere' apa le'baka nipangngajarrang mae ri kau riolo siagang apa le'bakamo nulangngere'. Gaukangi anjo sikammaya, siagang toba' ngaseng mako battu ri dosa-dosanu. Punna tambangungako, labattuA' mae ri kau sanrapang palukkaka; natanuassenga angkanaya ringngapanna wattua naKulabattu.