AYUB 22:27 - KITTA' MATANGKASA'

²⁷ Punna appala' doangko, laNapialiko, nakkulle nurupai sikontu janjinnu.

AYUB 22:27 ပူးပေါင်းရင်းမြစ်များ

2 KARAENG-KARAENG 13:4

Nampa appala' doang Yoahas mae ri Batara, na Nalangngere'mo Batara anjo pappala' doanna, lanri nacini'na antekamma palla'na karaeng Siria anjallakkangi tu Israel.

1 PATTOTTORANG 4:10

Mingka appala' doangi Yabes mae ri Allata'ala nisombaya ri tu Israel, angkana, “O Allata'ala, Kibarakkakia', naKitambai luara'na daera kuparentaya. La'langia' siagang Kipakabella' battu ri balaya, sollanna tena nakusessa.” Na niturukiang pappala'na ri Allata'ala.

2 PATTOTTORANG 33:13

Naturukiammi Allata'ala pappala'na Manasye siagang nipoterammi mange ri Yerusalem untu' ammarenta poleang. Passala' anjo kajarianga a'jari tappa'mi Manasye angkanaya Iaminjo Batara, Allata'ala matojenga.

AYUB 11:13

Ayub, tangkasi pa'mai'nu, nampa assesse' lalang! Appala' doangko mae ri Allata'ala!

AYUB 27:10

Mustina nakkuki ri kassannangang battua ri Allata'ala, siagang tena mangnganna appala' doang mae ri Ia.

AYUB 33:26

Punna appala' doangi, lanikamaseangi ri Allata'ala, na lamammujimo mae ri Allata'ala siagang rannu pa'mai' siagang lanipoterammi a'jari baji' tallasa'na ri Allata'ala.

AYUB 34:28

Ke'nanga passabakkang nakkunrareng tu kasi-asia, karru'na ke'nanga nilangngereki ri Allata'ala.

AYUB 8:6

punna lambusu' pa'mai'nu, tena callannu, laNatulungko linta' Allata'ala; na a'jari pa'balasa'na, laNapakabajiki ammotere' ruma tangganu.

PAMMUJI 116:1

Mangngaia' ri Batara, saba' Napilangngeria' na Naparhatikang pappalakku.

PAMMUJI 116:14

Lakurupai janjingku ri Ia ri dallekanna sikontu umma'Na.

PAMMUJI 56:12

Tappaka' ri Ia, jari tena kumalla', tena pakkullena rupataua mae ri nakke.

PAMMUJI 61:5

Boli'mi kamma kunnumpang ri kemaTa lalang sikontu umurukku, sollangku amang lalang ri la'lanna ka'nyitTa.

PAMMUJI 91:15

Punna akkio' mae ri Nakke, laKupiali. Ri wattu kasukkarang, laKutulungi; laKulappassangi na Kusare kalompoang.

KATO'BA 5:4

Bajikangngangi tenaya ni'janji, kala a'janjia na tanirupaia.

YESAYA 58:9

Punna appala' doangko, laKuturukiangko pappala'nu. Punna akkiokko mae ri Nakke, lappialiA' mae ri kau. Tea' mako jallakkangi parannu tau, pammarimi passimusuanga siagang pitinaya.

YEREMIA 29:12

Jari lappala' tulungko mae ri Nakke. Labattuko mae ri Nakke appala' doang, nampa laKupiali pappala' doannu.

YUNUS 2:9

Mingka lakkelonga' pammuji mae ri Katte siagang assarea' koro'bang untu' iKatte. Sikontu janjingku lakurupai. IKatte Batara mappasalamaka.”

PAOLE 23:21

Punna nia' apa-apa nupa'janjiang mae ri Karaeng Allata'alanu, teako pamono'-monoki untu' anrupai anjo janjinnu, lanri tuli Natuntu'na Karaeng Allata'alanu ri kau, siagang dorakako punna tena nanurupai.