AYUB 22:23 - KITTA' MATANGKASA'

²³ Pakatunami pa'mai'nu, ammotere' mako mae ri Batara, pammarimi kaja'dallanga ri balla'nu.

AYUB 22:23 ပူးပေါင်းရင်းမြစ်များ

2 PATTOTTORANG 33:13

Naturukiammi Allata'ala pappala'na Manasye siagang nipoterammi mange ri Yerusalem untu' ammarenta poleang. Passala' anjo kajarianga a'jari tappa'mi Manasye angkanaya Iaminjo Batara, Allata'ala matojenga.

AYUB 12:14

Apa le'baka Narumbang takkulleai nibangung poleang inai Natahang takkulleai bebasa' ammotere'.

AYUB 18:15

Anne kamma manna inai akkullei ammantang ri kemana, siagang nikioro' anjoreng batu a'baraya, untu' ambunoi ku'mang garrinna.

PAMMUJI 130:4

Mingka iKatte Kingai appamopporang, sollanna a'jari taua tu mappilangngeri.

YESAYA 19:22

LaNipangngajarimi anjo tu Mesir ri Batara, mingka le'baki anjo Napa'jari baji'mi ke'nanga ammotere'. La'gilimmi ammotere' ke'nanga mae ri Batara, siagang laNapilangngerimi Batara pappala' doanna ke'nanga kammayatompa Napa'jari baji'mi ke'nanga ammotere'.

YESAYA 31:6

Nakana batara, “O, bansa Israel, nuewaMa' siagang doraka mako ri Nakke. Mingka kamma-kamma anne, ammotere' lalo mako mae ri Nakke!

YESAYA 33:15

Akkulleko attahang punna akkanako nupanggaukang baji'. Teako a'boyai passawallang lanri nupacco'na tau kasi-asia, siagang teako annarimai doe' pammuccu'. Teako katuru'-turukangngi ri tau a'rancanaya pammunoang yareka kaja'dallang maraengannaya.

YEREMIA 31:4

Bansanu laKupa'jari porei sangkamma riolo. Sikalipi pole langngalleko rabana, siagang a'jogekko napakamma rannu.

HOSEA 6:1

Nakana tu Israel, “Umba kimmotere' mae ri Batara. Ia ampa'risi nyawata mingka Ia todong ansaleori. Ia allokoki, mingka Ia todong lamballei anjo bokka'-bokkatta.

ZAKHARIA 1:3

Mingka kamma-kamma anne Kukana mae ri kau ngaseng: Ammotere' mako mae ri Nakke, naKuammotere' todong mae ri kau ngaseng.

LAMPA-LAMPANA 26:20

Kupaumi silambusu'na mae ri taua angkanaya musti toba' ngasengi ke'nanga battu ri massing dosa-dosana. Musti napassareangi tallasa'na ke'nanga mae ri Allata'ala. Siagang musti napa'butti lalang ri katallassanna ke'nanga, angkanaya ma'nassa toba' tojeng-tojemmi battu ri dosa-dosana ke'nanga. Uru-uruna anjorengi ri Damsyik kupau anne passalaka. Le'baki anjo nampa ri Yerusalem, siagang ri sikontu Yudea, ri tangnga-tangngana bansa maraenga.

KOLOSE 2:7

siagang anna'gala' majarre' mako mae ri Ia. Parallui nubangung katallassannu lalang ri Isa Almasi, sanrapanga batu majarre'. Parallui pila' majarre' tappa'nu mae ri Isa situru' apa le'baka nipangngajarrang mae ri kau. Siagang paralluko tamalanrea appala' sukkuru'.

2 TIMOTIUS 2:19

Mingka anjo pammentengang makassa' le'baka Napare' Allata'ala takkulleai nipata'ge'goso'. Irateanganna nia' tattulisi' angkanaya, “Naassengi Batara sikamma taunNa,” siagang “Inai-nai nakana kalenna taunNa Batara, musti ammarimi anggaukangi gau' salaya”.

YUDAS 1:20

Mingka ikau ngaseng, sikamma sari'battangku, parallui tuli nupakajarre' turus katappakkannu mae ri Isa Almasi; anjo tappa'nu sanna' tangkasa'na. Na lalang kammana anjo appala' doangko siagang koasa RohNa Allata'ala;