AYUB 22:22 - KITTA' MATANGKASA'

²² Tarimai apa Napangngajarranga Batara mae ri kau; boli' ngasengi anjo lalang ri pa'mai'nu.

AYUB 22:22 ပူးပေါင်းရင်းမြစ်များ

2 PATTOTTORANG 33:13

Naturukiammi Allata'ala pappala'na Manasye siagang nipoterammi mange ri Yerusalem untu' ammarenta poleang. Passala' anjo kajarianga a'jari tappa'mi Manasye angkanaya Iaminjo Batara, Allata'ala matojenga.

AYUB 23:12

Sikamma parentaNa tuli kuturuki, Kupinawangi ero'Na, teai ero' kalengku.

AYUB 6:10

Akkulleangangi anjo kammaya a'jari panynyaleori ri nakke; la'jogeka' ri tangngana pa'risikku. Sikontu parentaNa Allata'ala Kaminang Koasaya kuturukimi siagang tulusu' kuparhatikangi.

PAMMUJI 119:11

Kuboliki ri pa'maikku pangngajaratTa, sollanna tena kudoraka mae ri Katte.

PANGNGEBARANG 4:21

Teako pelakki, passangalinna tuli boliki ri pa'mai'nu.

PANGNGEBARANG 4:4

naajaraka' manggeku. Nakana ri nakke, “U'rangi sikamma pappakaingakku, tea' laloko kaluppai. Gaukangi pitunju'-pitunjukku, sollanna mate'ne tallasa'nu.

YEREMIA 15:16

IKatte a'bicara ri nakke, siagang tuli kupilangngerinna bicaranTa. IKatte ampatanga', o Karaeng Allata'ala Kaminang Koasaya, lanri kammana anjo nakupakasannang siagang napakate'ne kana-kananTa.

YEHEZKIEL 3:10

Nampa pole Nakana Allata'ala, “He tau, parhatikangi baji'-baji' siagang u'rangi sikontu apa laKupaua mae ri kau.

MATIUS 12:35

Tau bajika, tuli apa baji' todong lanapau, nasaba' bajiki lalang atinna. Mingka tau ja'dalaka tuli apa-apa ja'dala' napau, nasaba' ja'dalaki lalang atinna.

MATIUS 13:52

Jari Nakanamo Isa, “Lanri kammana minjo na anjo sikamma guru agama a'jariamo umma'Na Allata'ala, sanrapangi patanna balla' ampasuluka ngasengi barang-barang beruna siagang barang-barang sallona battu ri pammolikang barang-baranna.”

LUKAS 2:19

Mingka napariatimi siagang nanawa-nawami Maria sikamma anjo passalaka.

LUKAS 2:51

Le'baki anjo, ammotere'mi ke'nanga siagang Isa mange ri Nazaret. Amminawang turu'mi Isa ri ke'nanga. Napariatimi amma'Na sikamma anjo passalaka.