AYUB 22:20 - KITTA' MATANGKASA'

²⁰ Sikamma barang-baranna tau ja'dalaka ancuru' taba sikali, nampa nikanre ri pepe' sa'genna la'busu' apa tassesaya.

AYUB 22:20 ပူးပေါင်းရင်းမြစ်များ

PA'JARIANG 19:24

Ti'ring appaturummi Batara bosi bara pepe' irateanna kota Sodom siagang Gomora.

PA'JARIANG 31:15

Ikambe anne napare' sangkamma maki' tumaraeng. Ikambe anne le'ba' maki' nabalukang, siagang anjo ballinna natarimaya le'ba' tommi napaccappu'.

AYUB 1:16

Lalang a'bicarana ija anjo taua, battumi atanna makaruaya angkana, “Sikamma gimbalatta siagang sikamma pakalawakinna nitabai ri kila' sa'genna mate ngaseng. Inakke mami anne atanta ta'lappasa' sa'gengku akkulle battu a'laporo' mae ri katte.”

AYUB 15:30

Tena nalakkulle ta'lappasa' battu ri sassang makkapuka; pepeka lampa'jari ammutungi cu'la'-cu'la'na. Lacappuki nitui' ri bawaNa Allata'ala.

AYUB 20:26

Ancuru'mi sikontu barang boli'-boli'na: ia siagang sikontu kaluargana nikanre ri pepe' taniparinraya ri rupatau.

AYUB 20:29

Iaminjo sarenna tau kodi sipaka, sare Napattantua Allata'ala mae ri ia.”

AYUB 4:7

Pikkiri' sai, le'bakika tau tenaya nasala nituju ri cilaka siagang bala?