AYUB 19:13 - KITTA' MATANGKASA'

¹³ Napakabellai battu ri nakke bija pammanakangku; a'jari tau maraenga' mae ri sikamma passiassengangku.

AYUB 19:13 ပူးပေါင်းရင်းမြစ်များ

AYUB 16:20

Kunicau-cau siagang nikakkali ri bela-belaku; angngarruka' andallekang ri Allata'ala appala' bantuang.

AYUB 16:7

Namangngangngia' Allata'ala; sikontu kaluargaku Napaccappu'mi.

AYUB 42:11

Sikontu daenna siagang sari'battang bainena Ayub, sikontu passiassengang sallona, battumi angkunjungi, nampa assua'-suara' siagang ia ri balla'na. Massing napaumi ke'nanga angkana turu' tongi susa ke'nanga lanri sikontu susa le'baka Napabattu Batara mae ri kalenna, nampa nasaleori Ayub. Massing assaremi ke'nanga ri Ayub siapa are jaina doe' siagang tasse'rena cincing bulaeng.

AYUB 6:15

Mingka ikau ngaseng, he agang-agangku, takkulleako nipatappa' siagang nirannuang. Sanrapangko kaloro' cappuka je'ne'na, punna tena nabattu bosia.

AYUB 6:20

Mingka sia-siai panrannuanna ke'nanga ri biring kaloro' tenaya je'ne'na.

PAMMUJI 31:11

La'busu'mi katallassangku lalang ri kapa'risanga, allalomi taung-taung katallassangku lalang kunrareng. Kurammi kagassingangku lanri kaja'dallangku, ba'lalo a'jari lammami buku-bukungku.

PAMMUJI 31:12

A'jarima' tu nitahang mae ri sikontu musungku, ba'lalo mae ri sikamma siampi' ballakku. Ta'bangka ngasemmi sikontu siassengku ancinikka', larimi ke'nanga punna nacinikka' ri aganga.

PAMMUJI 38:11

A'dumba'-dumbaki barambangku, tenamo kagassingangku, tenamo nabaji' paccinikku.

PAMMUJI 38:12

A'lili ngasemmi bela-belaku lanri garringku, ba'lalo bija pammanakangku bella ngasemmi ri nakke.

PAMMUJI 41:9

Nakana ke'nanga, “Teai sipato' sanna'na garrinna, tena olona lakkulle ambangung poleang.”

PAMMUJI 69:20

Kiassengi antekamma bateku nicalla, nihina siagang nipakkanai, Kicini' ngasengi sikontu musungku.

PAMMUJI 69:8

Saba' lanri iKattemi nakunihina, lanri iKattemi nakunicalla.

PAMMUJI 69:9

A'jaria' sanrapang bansa maraeng mae ri bija pammanakangku, sanrapang tau battu pantara' mae ri daengku na andikku.

PAMMUJI 88:18

Sikabusu'na alloa sanrapangi a'ba pangngalarroinTa angkulilingia', antammulilia' battu ri kere-keremae.

PAMMUJI 88:8

Battalaka' nijallakkang ri pangngalarroinTa, ancurukka' nijallakkang ri larroTa.

PIRAUNG 1:19

Makkioka' ri bela-bela bajikku mingka ma'bali' ballangi ke'nanga ri nakke. Sikamma imanga na pamimping bansaya mate kabusu'mi ri agang-agang niaka ri kotaya, ri wattu a'boyana kanre untu' katallassanna.

PIRAUNG 1:2

Tuntung bangngimi angngarru' si'na nyawana, ammatti' je'ne' matanna. Tenamo manna sitau tanrinna maero' battu ansaleori. Nibali' ballang ri bela-belana ta'giling ma'jari bali mae ri kalenna.

MATIUS 26:56

Mingka lakajariang ngaseng memanji anne kammaya, sollanna a'rupamo apa le'baka natulisi' na'bi-na'bia lalang ri Kittaka.” Le'baki anjo, apaji nalari ngasemmo ana'-ana' gurunNa Isa, a'lampa ambokoi.

2 TIMOTIUS 4:16

Ri wattunna uru-uru kubela kalengku ri pangadelanga, tena sikali manna sitau anrurunganga'; a'lampa ngasemmi taua ambokoia'. Poro tena lalo nanipasalai ri Allata'ala ke'nanga ri anne passalaka!