15 Kemae minasangku; inai anciniki nia' mate'neku
Tena kujampangi lanri tappu' minasama'! Punna ero' Allata'ala ambunoa', kupassareang mami kalengku, mingka kupattojengi panggaukangku ri dallekanNa.
Batu-batua lanikekkeseki ri je'ne' a'lo'loro' sarringa; buttaya lanilo'lorangi ri bosi sarroa. Kammaminjo Kiancuru'na panrannuanna rupataua.
Nalappassangngia' battu ri kere-keremae, sanrapang tau ambi'bu aka' lamung-lamung, nampa Nabolikka' ta'ronang na kalumeng, kammaminjo bateku Naalleang sikontu panrannuangku.
Sai jarreki tappa'nu mae ri Allata'ala; sai tena callanna tallasa'nu? Punna kamma, siratanna tappakko siagang tena nutappu' minasa.
Apa kagassingangku sa'gengku nia' tongija? Apa panrannuangku nakuero' ija attallasa' la'bi sallo?
Tallasa' tamanrannuangku larimi mae ri kala'busanna, sarringngangngang nalarina sikoci masinana tau anjaika.
Kukana, nampami sitangnga umurukku nakumusti a'lampamo, ampa'le'baki sesa tallasakku ri lino tau matea.
Takuassengami nikanaya masahoro', lanynya'mi panrannuangku ri Batara.
Nakana Allata'ala ri nakke, “He tau, anne sikamma buku-bukua iami pangngebaranna bansa Israel. Akkunrarengi ke'nanga lanri kalotoroki, tena panrannuanna siagang tena allo ri bokona.
