AYUB 16:19 - KITTA' MATANGKASA'

¹⁹ Kuasseng Mappatojengku nia' ri suruga; a'jari sa'bi ri tenana kudoraka.

AYUB 16:19 ပူးပေါင်းရင်းမြစ်များ

PA'JARIANG 31:50

Nakanamo pole Laban, “Punna a'gau' kodiko mae ri ana'-anakku, yareka a'buntingko baine maraeng, manna pole tena naassengi taua, u'rangi angkanaya Najannangngiki' Allata'ala.

AYUB 16:18

He buttaya, teako cokkoi ri nakke kaja'dallanga; teako pammakkangngi pakkiokku appala' kaadelang.

AYUB 19:25

Kuassengi angkana nia' Mappatojengku ri suruga; kale'bakkanna labattui antulunga'.

AYUB 31:2

Apa kutadeng Nagaukang Allata'ala mae ri katte? Antekamma Nabalasa' panggaukanna rupataua?

PAMMUJI 113:5

Inai sangkammanna Karaeng Allata'alata? Ia ammempo ri empoang kala'birang ri tampa' tinggia.

PAMMUJI 148:1

Pujimi Batara! Pujimi Batara, he sikontu bonena suruga! Sikontu ammantanga ri tampa' tinggia, pujimi!

PAMMUJI 89:37

Lattahangi empoang kala'biranna lalang nia'naija mataalloa, lanaempoi sikontu ana' cucunna.

ROMA 1:9

Punna appala' doanga' tuli kuu'ranginnu ngaseng. Allata'alami a'jari sa'bingku ma'nassana kammatojeng anne kukanaya. Iami Allata'ala kusombaya siagang sikontu pa'maikku, iamintu kupa'la'bangi Kabara' Bajika ri passala'na Ana'Na.

ROMA 9:1

Kontutojengi anne apa eroka kupau lanri inakke taunNa' Isa Almasi. Tena nakua'balle-balle. Atingku siagang pa'maikku, nirurunganga ri RohNa Allata'ala, ampakatappa' tonga' ma'nassana kontutojengi anne kanangku.

2 KORINTUS 1:23

Allata'alami a'jari sa'bingku – nasaba' Naassengi bonena atingku – angkanaya nakutanjaria mange ri Korintus, lanri tenana nakuero' ampakasi'nai pa'mai'nu.

2 KORINTUS 11:31

Nasaba' tena nakua'balle-balle; Allata'ala, ManggeNa Batarata Isa a'jari sa'bi mae ri nakke! Nipujimi arenNa satunggu-tungguna.

FILIPI 1:8

Naassengi Allata'ala angkanaya teai sipato' nakkukku mae ri kau ngaseng; nakkuka' lanri pangngamaseang majarre' battua ri KalenNa Isa Almasi.

1 TESALONIKA 2:10

Matangkasaki, tojengi, siagang tena callanna katallassanna ikambe mae ri kau ngaseng, ikau matappakamo mae ri Almasi. Ikau ngasemmi siagang Allata'ala, a'jari sa'bina ikambe.

1 TESALONIKA 2:5

Nasaba' kalennu angngassengi angkanaya tale'bakai ikambe a'baji'-baji' ri bawa lanri nia' ero' kangoang taccokkona ikambe. Allata'ala a'jari sa'bi ri anne passalaka!

1 SAMUEL 12:5

Nampa nakanamo Samuel, “Anne alloa, Batara siagang karaeng Napilea a'jari sa'bi angkanaya ma'nassa tena salangku manna pole sike'de'.” Appialimi ke'nanga angkana, “Iyo', kammatojengi, Batara a'jari sa'binta.”