AYUB 16:13 - KITTA' MATANGKASA'

¹³ Tena pangngamaseanNa natulusu' inakke Napana, sa'genna assulu' parrukku.

AYUB 16:13 ပူးပေါင်းရင်းမြစ်များ

PA'JARIANG 49:23

A'bakka tojemmi musua, angngondangi siagang pana.

AYUB 19:12

Battui pasukanNa ambakkaia', takkulleai nitahang; narompai oloangku, natammulili kemaku.

AYUB 19:27

Mata kalengku laccini' mae ri Ia, Iami a'jari sahabakku. Ancuruki pa'maikku lanri nukanana ngaseng,

AYUB 20:25

Nitabai ri pana sa'genna loko'; cappa' pana accilla' antarrusuki kalenna, nanikalimbu'mo ri malla' pa'mai'na.

AYUB 25:3

Maka akkullei nirekeng jaina malaeka' allayaniai? Maka nia' tampa' tanisingaria ri singara'Na?

AYUB 6:10

Akkulleangangi anjo kammaya a'jari panynyaleori ri nakke; la'jogeka' ri tangngana pa'risikku. Sikontu parentaNa Allata'ala Kaminang Koasaya kuturukimi siagang tulusu' kuparhatikangi.

AYUB 6:4

Pana battua ri Kaminang Koasaya natarrusuki kalengku; a'la'bangi racunna ri sikontu nyawa siagang batangkalengku. KahebakkanNa Allata'ala sanna' appakamalla'na, na battu ambakkaia' sanrapang pasukang musu.

PIRAUNG 2:11

Akkambammi matangku lanri tenammariku angngarruka tojeng, pa'risi' nyawaku tena rapanna. Pacce nyawaku anciniki runtung bansaya; anciniki ana'-anaka siagang ana' loloa sessa ri tangngana aganga ri kota-kotaya.

PIRAUNG 2:4

Rapang musu ampabantangi panaNa Napalio-lio mae ri katte. Sikontu tau ningaia cappu' kabusu' Nabuno. Napasimbungi larroNa rapang pepe' antama' ri kota Yerusalem.

PIRAUNG 3:11

Naondanga' sanggengku ammengka ri oloanga, na Nakae-kae batangkalengku nampa Nabokoia'.

PIRAUNG 3:13

Annarrusuki panaNa ri kalengku sa'genna tattinting ri atengku.

YEHEZKIEL 5:11

INakke Allata'ala mattallasaka, Batara Kaminang Tinggia, siagang iaminne kana-kanangKu: Lanri le'ba'namo nura'massi BallakKu siagang sikontu panggaukannu ja'dalaka siagang appakaringi'-ringika, jari laKuancurukko natena Kupammopporangko.

ROMA 8:32

Manna ana' KalenNa tena todong Nakadarangi, passangalinna Napassareammi untu' kaparalluanta ngaseng; maka talaNasareaki' sikamma kaparalluanta maraenganga?

PAOLE 29:20

Tena nalanipammopporang ri Batara tau kammaya anjo. Kabalekanna, lanitabai ri pangngalarroi lompoNa Batara, siagang sikontu anjo bala niaka tattulisi' lalang ri anne kittaka labattui antujui, sa'genna nipanraki ri Batara.

2 PETRUS 2:5

Kammayatompa lino jammang rioloa, tena todong nalata'lappasa' battu ri hukkunganNa Allata'ala. Appabattui a'ba lompo Allata'ala antama' ri linona tau ja'dalaka anjo wattua. Nuh bawang siagang tuju tau maraengannaya nipasalama', lanri napa'la'banna Nuh biritta katallassang nipangngellaia ri atinNa Allata'ala.