AYUB 15:31 - KITTA' MATANGKASA'

³¹ Punna tappaki mae ri apa tenaya matu-matunna, lanitipumi; na sambe lanatarimaya, tena todong matu-matunna.

AYUB 15:31 ပူးပေါင်းရင်းမြစ်များ

AYUB 12:16

Anjo Allata'ala gassingi, kassaki siagang porei! Lapung patipu siagang nitipua nia' ngasengi ri kakoasanNa.

AYUB 31:5

Assumpa', angkana tenale'baka' inakke a'gau' jekkong; tenale'baka tonga' annipu tau.

AYUB 35:13

Sia-siaji ke'nanga akkiok-kio' tojeng; Tanicinikai siagang tanipilangngeriai ke'nanga ri Kaminang Koasaya.

AYUB 4:8

Kuassengi battu ri paccinikku, angkanaya tau appa'jekoa ri koko kaja'dallang, siagang appakioro' bala a'jari bine lamungang, lakkattoi cilaka siagang kasusaang!

PAMMUJI 62:10

Rupataua sanrapanji bawang sipa'maikang nappasa', lompo yareka ca'di para tena anggaranna. Punna nitimbangi, a'nassami angkana ringannaja ke'nanga, la'bi ringangi na sipa'maikanga nappasa'.

PANGNGEBARANG 22:8

Tau appakioroka kajekkongang lakkattoi bala; kale'bakkanna lalanynya'mi appaero'-ero' na appanggaukang.

PANGNGEBARANG 24:20

Tau ja'dalaka tena allo ri bokona siagang tena panrannuanna.

YESAYA 44:20

Anjo panggaukang kammaya sangkamma le'baki tau angnganrea au. Anjo taua nipa'lingui ri pikkirang dongo'na, sa'genna takkulleami nitulung. Takkulleami mangaku angkanaya anjo patung niaka ri limanna poro pannipu bawang.

YESAYA 59:4

Appamajuko parkara natena passabakkanna, siagang tena naadele' batenu angngadeli. A'balle-balleko siagang apa tenaya matu-matunna nupattoang; apparekko rancana untu' ancilakai parannu tau siagang nugaukangi kaja'dallanga.

YEREMIA 37:9

INakke, Batara, ampakaingakko, sollanna tena nanutipu kalennu lanri nupikkiri'na angkanaya a'lampami tu Babel siagang tenamo nalammotere'. Nasaba' ma'nassa lammotereki ke'nanga.

HOSEA 8:7

UmmakKu appakioroki anging jari lakkattoi anging lompo! Tena nadidi rappo gandunna ke'nanga, jari talanggappayai labu' untu' kanrena ke'nanga. Mingka punna padeng didi anjo gandunga, lala'busuki nikanre ri bansa-bansa maraenga.

YUNUS 2:8

Tau anynyombaya ri barhala tenaya bua'-bua'na nabokoiKi' siagang tamajarrekami pa'mai'na.

GALATIA 6:3

Punna nia' tau nakana kalenna cara'de', mingka sikontutojenna tena apa-apa naasseng, anjo taua naballe-ballei kalenna.

EFESUS 5:6

Teako erokki nitipu ri bicara-bicara tenaya bonena. Nasaba' ia ngasemmi anne kammaya ampammumbai pangngalarroiNa Allata'ala mae ri tau tenaya namannuruki ri Ia.