AYUB 15:23 - KITTA' MATANGKASA'

²³ Attayangi balangkoaka ri wattu kamateanna eroki ke'nanga angkanrei maya'na. Jari angngu'rangimi angkana sassangi allo lanadallekanga.

AYUB 15:23 ပူးပေါင်းရင်းမြစ်များ

PA'JARIANG 4:12

Punna a'lamung-lamungko latena apa-apa wassele'na; la'lampako mange-mange siagang latena pammantangannu ri lino.”

AYUB 15:22

Tena panrannuanna lakkulle alliliangi sassanga, saba' niondangi ri pa'danna pabunoa tunggala' kasampatang.

AYUB 15:24

Balaya rapangi karaeng porea, sadiami ero' ambakkai.

AYUB 15:30

Tena nalakkulle ta'lappasa' battu ri sassang makkapuka; pepeka lampa'jari ammutungi cu'la'-cu'la'na. Lacappuki nitui' ri bawaNa Allata'ala.

AYUB 18:12

Riolo kassaki, kamma-kamma anne ta'ronammi; bala anrurungangi ri kemae-kemae.

AYUB 18:18

Battu ri singaraka nibongkai antama' ri sassang; nibongkai battu ri lino katallassang.

PAMMUJI 109:10

Boli'mi kamma a'jari papala'-pala' mange-mange ana'-ana'na, siagang nibongka battu rumbangang balla'na.

PAMMUJI 59:15

Ri wattu karuenna ammotereki ke'nanga, pakantisi' giginna sanrapang kongkong angkulilingi kotaya.

PAMMUJI 59:16

A'la'bangi ke'nanga a'boya kanre, nappilollong la'bu punna tabassora.

PANGNGEBARANG 10:3

Batara tena Nabalang parekangi tau bajika naalle cipuru'; mingka Nahalangi tau ja'dalaka sollanna tanagappaya apa nakaerokia.

PANGNGEBARANG 16:4

Sikontu apa Napareka Batara nia' natuju; na natujua tau ja'dalaka iamintu kapanrakang.

KATO'BA 11:8

Paralluko appala' sukkuru' punna katambang umuru'nu. Mingka u'rangi, manna salloko attallasa' ri lino, salloangangi wattunnu ri lino kamateanga. Jari, apapi pole laniminasai? Yangasenna tena matu-matunna siagang sia-siaji bawang.

PIRAUNG 5:6

A'lampai ikambe appala'-pala' ri Mesir, appala'-pala' kanre ri Asyur.

PIRAUNG 5:9

Pantaranna kotaya, jai pabuno tau a'jappai; tuli a'reppeseki bala kamateanga ri wattu a'boyana kanre ikambe.

YO"EL 2:2

Anjo alloa sassang makkapuki, rassi allung anremeng-remeng. Para battui tantara katimbanga rapang rammang takka'ranga irate ri moncong. Tena le'bakai battu kajariang kammaya, na tena todong nalakajariang ribokoangannaya.

AMOS 5:20

AllonNa Batara memang angngerangi sassang, teai singara' – allo sassanga napakamma rammang.

ZEFANYA 1:15

Anjo alloa iamintu allo pangngalarroi, kasukkarang siagang kasusaang, allo karuntungang siagang pangngancurang, allo sassang siagang anremeng, allo makkapu' siagang rassi saliu'.

IBRANI 10:27

Se're mami sadia untu' ikatte, iamintu andallekanga mae ri pangadelanNa Allata'ala siagang pepe' pangngalarroiNa, lantunuai sa'genna la'busu' tau mangngewaya ri Allata'ala!