AYUB 14:5 - KITTA' MATANGKASA'

⁵ Jaina umuru'na rupataua le'ba'mi Kipattantu; siapa jaina bulanna le'ba'mi Kipa'nassa. Kipattantu tongi pa'baeng-baeng tallasa'na; tena olona lakkulle nadakkai.

AYUB 14:5 ပူးပေါင်းရင်းမြစ်များ

AYUB 12:10

Ia angngatoroki tallasa'na sikontu niaka attallasa'; Ia Makoasa mae ri nyawana tunggala' rupataua.

AYUB 14:14

Saba', punna mate taua, maka akkullei attallasa' ammotere'? Allo pila' allo attayanga' sa'genna allalomo wattu pa'risikku.

AYUB 16:22

Tenamo siapa tassesa taung-taung tallasakku; sinampe' mami ku'lampa, kutammoteramo.

AYUB 21:21

Punna la'busu'mo wattunna taua ri lino, maka najampangi iji angkana mate'nei kaluargana?

AYUB 7:1

Rupataua sangkammai tau nipassa barjuang; susai katallassanna sangkamma tau angnganre gaji;

PAMMUJI 104:29

Punna a'gilingKi', mallaki ke'nanga; punna Kialle nappasa'na ke'nanga, possoki, nampa ammotere' a'jari limbu'bu' butta sangkamma riolo.

PAMMUJI 104:9

Kipattantui pa'baeng-baeng takkullea nalaloi, sollanna tena nammotere' ammantang ri bontoa.

PAMMUJI 139:16

Kicinikka' ri wattungku lalang ija ri battang; yangasenna Kicataki lalang ri kittatTa; Kipattantumi allo-allo lanadallekanga ri tenanapa manna se're nipakaramulai.

PAMMUJI 31:15

Mingka manrannuanga' mae ri Katte, o, Batara, saba' iKattemi Allata'alaku.

PAMMUJI 39:4

niaccekanga' ri kalussakkang sanna' dudua. Pila' kunawa-nawai, pila' susai pa'maikku; kala'busanna kukanamo,

KATO'BA 3:2

Allata'ala ampattantui wattu allassukanga siagang wattu kamateanga, wattu untu' a'lamung siagang wattu untu' ammi'bu',

KATO'BA 8:8

Tena manna sitau akkulle antahangi yareka ampamonoki wattu kamateanna. Anjo parjuangang kammaya takkulleai naliliang, takkulleai ta'lappasa' battu ri ia, manna pole appare' akkala' yareka annipu.

DANIEL 11:36

Karaeng pa'rasangang waraka lappaero'-eroki appanggaukang. Tampoi ke'nanga nangkana angkanaya la'bi lompoangngangi kalenna namanna pole rewata battu kemae, ba'lalo la'bi lompoangngangi na Allata'ala Kaminang Tinggia. Lakkullei appanggaukang kamma anjo sa'genna kala'busang pangngalarroinNa Allata'ala. Nasaba' anjo apa le'baka Napattantu Allata'ala musti a'rupai la'bi riolo.

DANIEL 4:35

Bansa-bansaya ri lino tena anggaranna. Allata'ala makoasa mae ri malaekaka ri suruga siagang pandudu'na buttaya. Tena manna sitau akkulle ambaliangi ero'Na, tena barani ampakuta'nangngangi apa Nagaukanga.”

DANIEL 5:26

Nampa kammami anne battuanna: Nibilang, iamintu wattu pamarentahanna karaengku le'ba'mi Nibilang ri Allata'ala nampa Napa'le'ba';

DANIEL 5:30

Anjo memang bangngia nibuno memammi anjo Belsyazar karaeng Babel.

DANIEL 9:24

Pintuju tattujupulo taung iamintu wattu le'baka Napattantu Allata'ala untu' ampakabebasaki bansanu siagang anjo kota matangkasa'nu battu ri dosa-dosaya siagang kaja'dallanga. Sikontu dosaya lanipammopporangi siagang lanipaentengi kaadelang tamattappuka, sa'genna a'rupa anjo paccinika siagang botoa, kammayatompa anjo Balla' Matangkasa'Na Batara lanipangngadakkangi ammotere' mae ri Batara.

LUKAS 12:20

Mingka Nakanamo Allata'ala ri ia, ‘E tolo! Anne bangngia lamate mako; jari inai langngalle ngasengi anjo barang-barang le'baka nupasse're untu' kalennu?’

LAMPA-LAMPANA 17:26

Battu ri se'rea tau Nanapa'jari sikontu bansaya, nampa Nasuro ke'nanga ampammantangi sikontu buttaya. Iatommi ampattantui battu ri uru-uruna angkana kemae sa'genna siagang kemaei akkulle ammantang rupataua.

IBRANI 9:27

Le'ba'mi Napattantu Allata'ala angkanaya sikaliji bawang mate rupataua. Le'baki anjo niadelimi ri Allata'ala.

PAPPICINI' 1:18

INakkemi mattallasaka! Le'ba'Ma' mate, mingka cini'mi, attallasaKa' sa'genna satunggu-tungguna. MakoasA' irateanganna kamateanga, kammayatompa irateanganna linona sikontu tau matea.

PAPPICINI' 3:7

“Untu' mae ri malaeka'na jamaah ri Filadelfia, tulisiki kamma anne: Iaminne pappasang battu ri Ia matangkasaka siagang kontutojenga. Iami anta'galaki konci battua ri Daud; punna Nasungkei pakke'buka, tena manna sitau akkulle antongkoki, siagang punna Natongkoki, tena manna sitau akkulle ansungkei.

1 SAMUEL 26:10

Lanri Batara mattallasaka, kuassengi angkanaya sallang KalenNa Batara lambunoi Saul, punna narapi'mo a'jala'na, yareka punna matei lalang bundu'.