AYUB 14:18 - KITTA' MATANGKASA'

¹⁸ Sallang sikamma monconga laruntungi siagang tassimbung-simbung, na moncong batu kassaka la'lessoki battu ri tampa'na.

AYUB 14:18 ပူးပေါင်းရင်းမြစ်များ

AYUB 14:17

LaKipammopporangi dosaku siagang Kipakabellai; sala rioloku Kilu'luki.

AYUB 14:19

Batu-batua lanikekkeseki ri je'ne' a'lo'loro' sarringa; buttaya lanilo'lorangi ri bosi sarroa. Kammaminjo Kiancuru'na panrannuanna rupataua.

AYUB 18:4

Anjo larronu poro kalennuji napa'risi. Apaka musti tappelaki pandudu'na buttaya lanri untu' kaparalluannu, siagang nipalette' sikamma monconga battu ri tampa'na?

YESAYA 40:12

Inai ambakuki tamparanga siagang pala' limanna, yareka angngukkuruki allaka siagang pa'lama'na? Inai ambakuki buttaya siagang pa'baku' yareka antimbangi monconga siagang buluka ammake dacing?

YESAYA 54:10

Manna pole ta'lengga sikamma monconga siagang sikamma buluka, talammariA' angkamaseangko. Tuli Kuta'gala' jarreki parjanjiang passiamakkangKu,” kananNa Batara mangngamaseanga ri kau.

YESAYA 64:1

Kikekke'mi langika nampa naung maKi', o Batara, Kipa'goccammi sikamma monconga ri dallekanTa,

YEREMIA 4:24

Kuciniki monconga siagang bulu'-bulu' tinggia teai sipato' batena ta'goccang.

MATIUS 27:51

Anjo wattua sinre'mi gordenga lalang ri Balla'Na Batara, ta'bage rua battu rate sa'genna naung. Ta'ge'goso'mi buttaya, siagang ta'bage ruami bulu' batua.

PAPPICINI' 20:11

Le'baki anjo nia'mo kucini' se're empoang kala'birang; lompoi siagang keboki tanja'na anjo empoang kala'biranga siagang nia' tommi rate patanNa empoang ammempo. Lanynya'mi langika siagang buttaya battu ri dallekanNa, sa'genna tenamo nakacinikang.

PAPPICINI' 6:14

Lanynya'mi langika sangkamma karattasa' nigulunga, siagang sikontu buluka siagang puloa a'lesso' ngasengi battu ri tampa'na.

PAPPICINI' 8:8

Nampa napasa'ra tarompe'na malaeka' makaruaya; nia'mo apa-apa sanna' lompona, kammaya nicini' bulu' a'rinra-rinraya, nipasambilaya antama' ri tamparanga. Amminrami a'jari cera' bage talluna tamparanga,