AYUB 12:14 - KITTA' MATANGKASA'

¹⁴ Apa le'baka Narumbang takkulleai nibangung poleang inai Natahang takkulleai bebasa' ammotere'.

AYUB 12:14 ပူးပေါင်းရင်းမြစ်များ

PA'JARIANG 7:16

situru' apa Napassuroanga Allata'ala mae ri ia. Le'ba'namo antama' ngaseng, Natongko'mi Batara pakke'bu'na anjo kappalaka.

AYUB 11:10

Punna Najakkalakko siagang Naerangko mange ri pangadelanNa, inai maka labarani anrompai eroka Nagaukang?

AYUB 16:11

Napassareanga' Allata'ala mae ri tau dorakaya; Natu'guranga' antama' ri limanna tau kodi sipaka.

AYUB 19:10

Nalappassangngia' battu ri kere-keremae, sanrapang tau ambi'bu aka' lamung-lamung, nampa Nabolikka' ta'ronang na kalumeng, kammaminjo bateku Naalleang sikontu panrannuangku.

AYUB 37:7

Napammari jama-jamanna rupataua, sollanna naasseng ke'nanga angkana Ia anjama.

KATO'BA 7:13

Parhatikangi jama-jamanNa Allata'ala. Saba' inai akkulle allambusi apa Napa'jekkoa Allata'ala?

YESAYA 14:23

LaKupa'jari kollangi Babel, napammantangngi kokoci'. LaKubarrasaki Babel sa'genna tangkasa'. INakke, Batara Kaminang Makoasaya anne a'bicara.”

YESAYA 22:22

Ia lakoasa nipatappa' irawanganna karaeng turunganna Daud. Ia lanna'gala' koncina kakaraenganga. Punna ia assungkei, tena tau akkulle antongkoki; punna natongkoki, tena tau akkulle assungkei.

YESAYA 25:2

Anjo kotaya le'ba'mi Kiancuru'; kota niaka balla' pattahanganna a'jari rumbangang. Balla' lompo nabangunga bansa maraenga cappu'mi, na tena nalanibangung poleang satunggu-tungguna.

YEREMIA 51:58

Tembo'na Babel ia kassaka ngaseng laKuancuruki sa'genna a'jari sallappara' siagang buttaya. Pakke'bu' lompoa tinggi-tinggia ngaseng laKutunui sa'genna cappu'. Tena matu-matunna poso bansa-bansaya, nasaba' sikontu bate pare'na ke'nanga lanikanrei ri pepe'. INakke, Batara Kaminang Koasaya, anne akkana.”

YEREMIA 51:64

nampa nukana, ‘Kammaminne lakajarianga mae ri Babel. Anne pa'rasanganga latallangi siagang talammumbayami ammotere' lanri bala Napabattua Batara mae ri ia.’ ” Sa'genna anrinni kana-kananna Yeremia.

YEHEZKIEL 26:14

Ia Kusesaya se're mami batu kalotoro', tampa'na sikamma paboya jukuka angngalloi jalana ke'nanga. Anjo kotaya talanibangungami ammotere'. INakke, Batara Kaminang Tinggia, anne akkana.”

MALEAKHI 1:4

Ebara' angkana anjo jari-jarina Esau, iamintu tu Edom angkanai, “Le'ba'mi niancuru' kota-kotana ikambe, mingka lanabangungi ikambe ammotere',” lappialimi Batara angkana, “Akkullei nabangung ke'nanga ammotere', mingka laKurumbangi. Laniarengi ke'nanga ‘Pa'rasangang Bassung’ siagang ‘Bansa natabaia pangngalarroinNa Batara sa'genna satunggu-tungguna.’ ”

ROMA 11:32

Nasaba' le'ba'mi nibalang parekang ri Allata'ala nikoasai rupataua ri sipa' tamannurukia, sollanna akkulle Napappicinikang pangngamaseanNa mae ri yangasenna ke'nanga.

PAPPICINI' 3:7

“Untu' mae ri malaeka'na jamaah ri Filadelfia, tulisiki kamma anne: Iaminne pappasang battu ri Ia matangkasaka siagang kontutojenga. Iami anta'galaki konci battua ri Daud; punna Nasungkei pakke'buka, tena manna sitau akkulle antongkoki, siagang punna Natongkoki, tena manna sitau akkulle ansungkei.

1 SAMUEL 17:46

Anne memang alloa naNapassareangko Batara mae ri nakke. Lakubetako, siagang lakusamballei kallonnu nampa kualle ulunnu. Kalennu siagang kalenna ngaseng tantara Filistin lakupassareangi ri jangang-janganga siagang olo'-oloka sollanna nakanrei. Nampa sikontu linoa lanaassemmi angkanaya ikambe bansa Israel nia' Allata'alata nisomba.

1 SAMUEL 24:18

Kaja'dallangku ri kau nubalasaki siagang kabajikang. Anne alloa nupappicinikammi angkanaya bajikko mae ri nakke, nasaba' tena nanubunoa', manna na Napassareamma' Batara mae ri kau.

1 SAMUEL 26:8

Nakanamo Abisai ri Daud, “Napassareammi Allata'ala musunnu anne bangngia mae ri kau. Pa'biamma' nakupokei siagang poke kalenna sa'genna attimbusu' naung ri buttaya, sikalimo bawang kucoka, teami napinruang!”