AMOS 9:3 - KITTA' MATANGKASA'

³ Punna accokkoi ke'nanga ri coppo'na Moncong Karmel, laKuboyai naKujakkala' ke'nanga. Punna accokko ke'nanga irawanganna tamparanga, laKuparentakangi naga tamparanga untu' ampittoki ke'nanga.

AMOS 9:3 ပူးပေါင်းရင်းမြစ်များ

PA'JARIANG 3:8

Anjo karuenga nalangngere'mi ke'nanga nia' Karaeng Allata'ala a'jappa lalang ri kokoa. Jari accokkomi ke'nanga ri alla'na poko'-poko' kayua sollanna tanicinika ri Batara.

2 SAMUEL 22:46

Lanynya'mi kabaranianna ke'nanga; annenremmi siagang assulu'mi ke'nanga battu ri paccokkoanna.

AYUB 22:13

Mingka akkuta'nangko angkana, ‘Apa todong Naasseng? Ia niaki irateanna rammanga, takkulleai angngadeliki'.’

AYUB 34:22

Tena nikana sassang, manna pole antekamma pakka'na, akkulle ancokkoi tau dorakaya.

PAMMUJI 68:23

Nakana Batara, “He umakKu, Kuerangi musunnu battu ri Basan Kuerangi ke'nanga ammotere' battu ri dapara'na tamparanga,

YESAYA 27:1

Anjo wattua lammakei Batara pa'dang tarang siagang kassa' untu' anghukkungi Lewiatan, iamintu ulara' ammekko'-mekkoka siagang akkalu'-kaluka, kammayatompa lambunoi naga tamparanga.

YEREMIA 16:16

Nakana Batara, “LakkiokKa' jai paboya juku' untu' anjakkalaki anne taua. Nampa lakkiokKa' jai pasoso' untu' assosoki ke'nanga ri sikamma monconga siagang buluka, siagang ri sikamma leang-leang batua.

AMOS 1:2

Iaminne napabattua Amos, “Ammammuki Batara battu ri Bulu' Sion, a'gamarrungi sa'ranNa battu ri Yerusalem. Sikamma parang rukuka a'jari kalotoroki, rukuka ri Moncong Karmel kalotoro' taba sikali.”