AMOS 9:2 - KITTA' MATANGKASA'

² Manna pole annarrusu' ke'nanga antama ri linona tau matea laKukayao tonji ke'nanga. Manna pole nanai' ke'nanga ri langi', laKupanaungi ke'nanga battu rate.

AMOS 9:2 ပူးပေါင်းရင်းမြစ်များ

AYUB 20:6

Manna pole narapi' langika kalompoanna, sa'genna nabuttu' ulunna rammanga,

AYUB 22:13

Mingka akkuta'nangko angkana, ‘Apa todong Naasseng? Ia niaki irateanna rammanga, takkulleai angngadeliki'.’

AYUB 24:23

Allata'ala assarei tallasa' salewangang, mingka tenammarina Najannangngi.

AYUB 26:6

Ri dallekanNa Allata'ala, tassungkei linona tau matea, tena tattongko' sa'genna Nacini'.

AYUB 34:22

Tena nikana sassang, manna pole antekamma pakka'na, akkulle ancokkoi tau dorakaya.

YESAYA 2:19

Ri wattu ammentenna Batara siagang Napage'goso' buttaya, lantamaki taua ri sikamma kali'bong batu niaka ri bulu'-bulu' batu karanga, yareka angngekei kali'bong antama' ri buttaya sollanna ta'lappasa' ke'nanga battu ri pangngalarroinNa siagang koasa kala'biranNa Batara. Punna battu anjo alloa, lanibokoi bawammi sikamma barhala-barhala peraka siagang bulaeng napareka nampa nasomba ke'nanga, na'jari balao mami siagang pa'nyikia mami pata.

YEREMIA 49:16

Lanitipuko ri katampoannu. Tena lamalla' ri kau kamma nukapanga. Ammantangko ri alla'-alla'na batua, bella ri coppo'na monconga. Mingka, manna pole nupare' balla'nu ri tampa' tinggi dudua, sangkamma tinggina ru'munna jangang-jangang rajawalia, mingka laNapanaungko Batara battu anjoreng. Batara ampaui yangasenna anjo.”

YEREMIA 51:53

Manna pole nakkulle Babel nai' ri langika siagang ambangung pattahangngang takkullea nirapi', mingka tuli laKupabattuna taua untu' ampanraki. INakke, Batara, anne akkana.”

YEHEZKIEL 26:20

Nampa Kukiringko mange ri linona tau matea untu' asse're siagang tau battua ri jammang riolo dudu. Kubalang parekangko ammantang tuli ri anjo lino tau matea, ri tangnga-tangngana loro-loro satunggu-tunggua, asse're siagang tau matea. Jari tenamo nalanipammantangngi buttanu, siagang tenamo nanipasibilangko tau attallasaka.

YEHEZKIEL 31:14

Kabusu'na anjo sikammaya kajariangi sollanna appakkaramula anne wattua, tenamo pole poko' kayu lattimbo kamma anjo tinggina; tenamo coppo' poko' kayu lanrapi' nai' ri rammanga manna pole nanggappa je'ne' allumpa-lumpa. Kabusu'na musti matei sangkamma rupatau biasaya, nampa asse're siagang sikamma tau naungamo ri linona tau matea.”

OBAJA 1:4

Manna pole nupare' balla'nu santinggi ru'munna jangang-jangang rajawali, siagang santinggi bintoenga ri langi', mingka ma'nassa laKutu'gurangko.

LUKAS 10:18

Appialimi Isa Nakana, “Kucini'mi Billisika tu'guru' battu rate ri langika sangkamma kila'.