AMOS 9:15 - KITTA' MATANGKASA'

¹⁵ LaKuboliki ummakKu ri pa'rasangang le'baka Kupassareang mae ri ke'nanga. Tenamo nalanibi'bu' ammotere' ke'nanga battu anjoreng. INakke, Karaeng Allata'alana ke'nanga anne akkana.”

AMOS 9:15 ပူးပေါင်းရင်းမြစ်များ

PAMMUJI 44:2

O, Allata'ala, kalenna ikambe allangngereki, riwaya' nacaritaya boe-boena ikambe ri passala' gau' malompo le'baka Kigaukang ri jammang riolo.

PAMMUJI 80:8

O, Allata'ala Kaminang Koasaya, Kipammollei ikambe lammoro' pa'mai' maKi' anciniki ikambe, sollanna salama' ikambe.

YESAYA 60:21

Lannabai tindakanna pandudu'nu, lanapatangi ke'nanga pa'rasanganga satunggu-tungguna. Rapangi ke'nanga lamungang Kucangkoka KalengKu, untu' ampa'nyatai kala'birangKu.

YEREMIA 16:15

Passangalinna lanri iNakke, Allata'ala mattallasaka, angngerangai umma' Israel assulu' battu ri se'reang pa'rasangang ri bageang wara' siagang battu ri sikontu pa'rasangang maraeng le'baka napammantangngi ke'nanga Kupasiara'. LaKuerangi ammotere' ke'nanga mange ri butta passolongang cera'na ke'nanga, pa'rasangang le'baka Kupassareang mae ri boe-boena ke'nanga.”

YEREMIA 23:8

passangalinna lanri iNakke, Allata'ala mattallasaka, angngerangai umma' Israel assulu' battu ri se'reang pa'rasangang ri bageang wara', siagang battu ri sikontu pa'rasangang maraeng tampa'na ke'nanga le'ba' Kupasiara'. Lammantangi ke'nanga ri butta passolongang cera'na.”

YEREMIA 24:6

LaKujagai ke'nanga siagang laKuerangi ke'nanga ammotere' mae anrinni ri pa'rasanganga. LaKupabangungi ke'nanga, tena naKuruntungi; laKulamungi, tena naKubi'buki ke'nanga.

YEREMIA 3:18

Lasse'rei Israel siagang Yehuda, nasiagang battu ri butta pammelakkanga, battu wara'. Lammotereki ke'nanga mange ri pa'rasangang le'baka Kupassareang a'jari butta pisaka mae ri boe-boenu.”

YEREMIA 32:15

Batara Kaminang Koasaya, iamintu Allata'alana Israel, Nakana angkanaya, balla', tampa', siagang koko anggoro' lanipare' balukangi sallang.”

YEREMIA 32:37

LaKupasse'rei anne bansaya battu ri sikontu pa'rasangang tampa'na ke'nanga Kupasisa'la'-sa'la' lanri larroKu siagang lussakKu mae ri ke'nanga. LaKuerangi ke'nanga ammotere' mae anrinni siagang Kukellai ammantang anrinni siagang amang.

YEREMIA 32:41

Lasannangi pa'maikKu a'gau' baji' mae ri ke'nanga, naKupammantang ke'nanga anrinni ri anne pa'rasanganga sa'genna satunggu-tungguna.

YEREMIA 33:7

Yehuda siagang Israel laKupa'jari porei sangkamma riolo siagang lammentengi ammotere' salaku ummakKu.

YEHEZKIEL 34:28

Tenamo nalaniella' ke'nanga ri bansa-bansa tenaya natappa' ri Nakke, yareka nikokko' ri olo'-olo' sekke'. Lattallasa' salewangangi ke'nanga, siagang tenamo manna sitau lampakamallaki ke'nanga.

YEHEZKIEL 37:21

Nampa paui mae ri ke'nanga angkanaya iNakke, Batara Kaminang Tinggia, angngallei sikontu bansaKu battu ri sikamma pa'rasangang napa'lampaia ke'nanga. LaKupasse'rei ke'nanga siagang Kuerangi ammotere' mange ri pa'rasangang kalenna.

YO"EL 3:20

LaKupa'balassangi cera'na ke'nanga assolonga, inai ambunoi ke'nanga laKute'baki. Mingka pa'rasangang Yehuda siagang Yerusalem tuli lania' bonena, siagang Bulu' Sion tuli laKupammantangngi.”

MIKHA 4:4

Tunggala' taua laamangi siagang salewangang lalang tallasa'na ri tangnga koko anggoro'na siagang koko poko' arana; tenamo lampakamallaki, iaminjo janjinNa Batara Kaminang Koasaya.