AMOS 9:12 - KITTA' MATANGKASA'

¹² Tu Israel lanakoasai pa'rasangang Edom niaka ija tassesa kammayatompa sikontu bansa Kupatanga riolo. INakke, Batara, anne a'bicara siagang iNakke langgaukangi anjo passalaka.”

AMOS 9:12 ပူးပေါင်းရင်းမြစ်များ

PA'JARIANG 27:29

Poro a'jari atannu ngaseng sikamma bansa-bansaya, siagang tundu' ngaseng suku bansaya mae ri kau. Poro nukoasai ngaseng sikamma bija pammanakannu, siagang su'ju' ri kau turunganna amma'nu. Poro nitunra ngasengi sikamma tau antunrayako, siagang poro nibarakkaki ngaseng sikamma tau ambarakkakiako.”

PA'JARIANG 27:37

Appialimi Ishak angkana, “Le'ba'mi kupa'jari anjo andi'nu a'jari karaennu, siagang sikamma bija pammanakannu la'jari ngasengi suro-surona. Le'ba'mi kusare gandung siagang anggoro'. Kamma-kamma anne tena sikalimo apa-apa akkulle kugaukang untu' ikau, Na'!”

PAMMUJI 60:8

Battu ri pammantangang matangkasa'Na Nakana Allata'ala, “EroKa' akkio' rannu siagang ambage-bagei butta Sikhem; la'goccangA' nomoro' untu' ka'bung Sukot.

YESAYA 11:14

Lassamai ke'nanga ambunduki tu Filistin ri bageang ilau' siagang anrampasaki bansa-bansa bageang irayaya. Lanapatunduki ke'nanga bansa Edom siagang Moab, siagang bansa Amon latundu' tongi mae ri ke'nanga.

YESAYA 43:7

Saba' nikio' ngasemmi ke'nanga lalang arengKu, Kupa'jari ke'nanga untu' ampakala'birikKa'.”

YESAYA 63:19

IKatte ampa'jari ikambe rapang tena le'bakaKi' makoasa mae ri kambe; rapang tena le'bakai ikambe a'jari ummatTa.

YESAYA 65:1

Nakana Batara, “SadiaMa' ero' appiali ri ummakKu, mingka tena nappala' doang ke'nanga mae ri Nakke. SadiaMa' nibattui ri ke'nanga, mingka taerokai ke'nanga amboyA'. Anjo bansaya tena nakkio' ri Nakke, manna pole sadiaMa' lappiali: Anne nia'jA'!

YEREMIA 14:9

Angngapa Kisangkamma tau lingu; rapang tubarani tenaya nakkulle annulung? Mingka, mattantu niakKi' ri tangnga-tangngana ikambe, o Batara! Ikambe ummatTa, teaKi' bokoi!’ ”

YEREMIA 15:16

IKatte a'bicara ri nakke, siagang tuli kupilangngerinna bicaranTa. IKatte ampatanga', o Karaeng Allata'ala Kaminang Koasaya, lanri kammana anjo nakupakasannang siagang napakate'ne kana-kananTa.

YO"EL 3:8

Ana'nu bura'ne baine laKubalukangi mae ri pandudu'na Yehuda, nampa nabalukang ke'nanga mae ri Syeba, iamintu pa'rasangang sannaka bellana. INakke, Batara, anne akkana.

MALEAKHI 1:4

Ebara' angkana anjo jari-jarina Esau, iamintu tu Edom angkanai, “Le'ba'mi niancuru' kota-kotana ikambe, mingka lanabangungi ikambe ammotere',” lappialimi Batara angkana, “Akkullei nabangung ke'nanga ammotere', mingka laKurumbangi. Laniarengi ke'nanga ‘Pa'rasangang Bassung’ siagang ‘Bansa natabaia pangngalarroinNa Batara sa'genna satunggu-tungguna.’ ”

LAMPA-LAMPANA 15:17

sollanna sikamma anjo tau niaka tassesa naboyai Batara, assama-samai bansa maraenga, Kukioka a'jari ummakKu.’ Kammaminjo kananNa Batara,

LAMPA-LAMPANA 15:18

le'baka Napabattu memang ri jammang riolo.”