AMOS 9:11 - KITTA' MATANGKASA'

¹¹ Nakana Batara, “Lanarapiki wattunna naKupoterang kakaraenganna Daud. Kamma-kamma anne anjo kakaraenganga kontumi balla' rumbanga. Mingka laKupakabajiki ammotere' tembo'-tembo'na siagang laKubangungi ammotere' sa'genna a'jari sangkamma riolo.

AMOS 9:11 ပူးပေါင်းရင်းမြစ်များ

AYUB 1:10

Ia, bone balla'na, siagang sikontu kakalumanynyanganna tuli Kijagai. Jama-jamanna Kibarakkaki siagang Kisarei jai olo'-olo' katuo angganaka untu' sikontu pa'rasanganga.

PAMMUJI 143:5

Kuu'rangi allo-allo allaloa; kunawa-nawai sikontu panggaukanTa, kupikki'-pikkiri' sikamma bate paretTa.

PAMMUJI 80:12

Tangke ca'dina a'la'baki sa'genna mange ri Tamparang Tangngaya, pucu'-pucu'na narapiki Binanga Efrat.

PAMMUJI 89:40

Kikaluppai parjanjianTa siagang atanTa, Kipasambilai empoang kala'biranna antama ri cammaraka.

YESAYA 16:5

Nampa nia' sitau turunganna Daud la'jari karaeng, na lanaparenta bansana siagang pangngamaseang tamamminraya. Lanapaentengi kaadelanga siagang langngallei linta' tindakang untu' anggaukangi katojenganga.)

YESAYA 5:5

Kammaminne laKugaukang ri anjo koko anggorokKu: LaKubi'buki kalli'na angkulilingiai, laKurumbangi tembo' niaka angkalliki, nampa Kubalang parekang napanraki olo'-olo' sekke' siagang naonjo'-onjokang.

YESAYA 58:12

Kota salloamo rumbanna lanubangungi ammotere' irate ri pundasi sallona. Lanigallarakko ‘Bansa ambangungai ammotere' sikamma tembo' kallika siagang ampakabajikai sikamma balla' ancuruka.’ ”

YESAYA 63:11

Nampa angngu'rangimo ke'nanga ri rewasa' allaloa, ri jammanna Musa, atanNa Batara. Akkuta'nangi ke'nanga angkana, “Kemae Batara, anrurungangai sikamma pamimpinna umma'Na allalo ri tamparanga? Kemae Batara ampassareangai koasaNa mae ri ke'nanga?

YESAYA 65:9

Nia' siapa are jaina tau battu ri suku Yehuda laKubarakkaki, siagang turunganna ke'nanga lanapatangi butta pa'moncongangKu. Sikamma tu nipileKu, ia anynyombaya mae ri Nakke lammantangi anjoreng.

YEREMIA 18:9

Kabalekanna, punna Kutappuki untu' ampaentengi yareka ampakajarreki se'rea bansa yareka kakaraengang,

YEREMIA 30:9

La'jari atako mae ri Nakke, Karaeng Allata'alanu, siagang mae ri se'rea jari-jarina Daud ia laKuangkaka a'jari karaeng.

YEREMIA 46:26

laKupassareangi mae ri Nebukadnezar karaeng Babel siagang tantarana eroka ambunoi ke'nanga. Mingka sallang, lanipammantangngi ammotere' Mesir sangkamma riolo. INakke, Batara, anne akkana.”

PIRAUNG 5:21

O Batara, allemi ikambe ammotere'; eroki ikambe ammotere' mae ri Katte! Kipoterammi tallasa'na ikambe sangkamma riolo.

YEHEZKIEL 17:24

Sikontu poko' niaka ri pa'rasangang lanapahangi angkanaya iNakke Batara. Poko' tinggia Kuta'bangi; poko' tenaya natinggi Kupattimboi a'jari tinggi nai'. Poko' copponga Kupa'jari kalotoro'; na poko' kalotoroka Kupaccu'laki siagang a'bakka'. INakke, Batara, anne akkana; na sikontu kanangKu la'rupa kabusuki.”

YEHEZKIEL 36:11

Pandudu'nu siagang olo'-olo'nu laKutambai sa'genna a'jari sanna' jaina, la'bi jaiangngangi narioloa, siagang lammana'-manaki naccucu ke'nanga sanna' jaina. Lattallasaki ke'nanga anjoreng sangkamma riolo, siagang Kupa'jari kalumanynyangi, kamma tenayapa nale'ba' nukasia' rioloanganna. Jari lanaassemmi ke'nanga angkanaya iNakkemi Batara.

HOSEA 3:5

Mingka lanarapiki sallang wattunna nalammotere' bansa Israel mae ri Karaeng Allata'alana ke'nanga, siagang mae ri karaenna ke'nanga battua ri jari-jarina Daud. Nampa lamalla' siagang lanapakalompo ke'nanga Batara, kammayatompa nanatarimamo barakka'-barakka'Na.

OBAJA 1:17

“Mingka ri Bulu' Sion, lania' lasalama', siagang anjo buluka a'jari tampa' nisa'la' untu' iNakke. Jari jari-jarina Yakub lanapatangi ammotere' butta pisakana ke'nanga.

MIKHA 5:2

Jari, laNalappassangi Batara nikoasai umma'Na ri musu-musunna ke'nanga, sa'genna baine le'baka nipattantu untu' a'jari anrong ri anjo tumakoasaya, nalassukammi anjo Anaka. Le'baki anjo, sikamma julu bansana niaka ri pammelakkanga lanipakase'rei ammotere' siagang bansana ke'nanga.

MIKHA 7:11

He Yerusalem! Narapi'mi wattunna nubangung ammotere' tembo'-tembo'na kotanu. Anjo alloa lanipakaluaraki daeranu.

MIKHA 7:14

O Batara, Kikalawaki laloi ummatTa, iamintu umma' nipileTa. Ammantangi ke'nanga bella ri parang lompoa, ri tangnga-tangngana butta copponga. Lappassammi ke'nanga anggappa kanre ri parang ruku'na Basan siagang ri Gilead sangkamma jammang riolo.

MIKHA 7:8

Tena alasang mae ri musu-musunta untu' rannu pa'mai'na lanri kaancuranta. Nasaba' manna pole kitu'guru', mingka lambangung poleangki'. Kamma-kamma anne niakki' lalang ri sassanga, mingka laNasingariki' Batara.

ZAKHARIA 12:7

INakke, Batara, lauru-uru assarei pammetang tantara Yehuda, sollanna tena nalompoangngang kala'birang natarimaya jari-jarina Daud siagang pandudu' Yerusalem, nakala'birang natarimaya pandudu'na Yehuda maraenga.

ZAKHARIA 14:10

Sikontu pa'rasanganga appakkaramula battu ri Geba bageang wara' sa'genna Rimon ri bageang timboro', la'jari lappara' ngasengi. Mingka Yerusalem lammenteng tinggi nai', la'bi tinggiangngang nabutta niaka ri tammulilina; anjo kotaya la'la'baki appakkaramula battu ri Pakke'bu' Lompo Benyamin sa'genna mange ri Pakke'bu' Lompo Panyingkulu', iamintu tampa'na pakke'bu' lompo Makase'rea siagang battu ri Menara Hananel sa'genna mange ri tampa' pammaccokang anggoro'na karaenga.

ZAKHARIA 6:12

Pauangi angkanaya iNakke Batara Kaminang Koasaya angkana, ‘Tau niarenga I Cu'la', la'jari apa napattujuanga ri tampa' napammantangia siagang ia lambangungi ammotere' Balla'Na Batara.

PAMMILANGNGANG 24:18

Laniempoi butta Edom ri musunna, mingka tu Israel lanagaukang gau' malompoa.