AMOS 8:9 - KITTA' MATANGKASA'

⁹ Lanarapiki wattunna naKupalabu alloa ri tangnga alloa siagang a'jari sassangi linoa ri wattu alloa. INakke, Batara Kaminang Tinggia, anne akkana.

AMOS 8:9 ပူးပေါင်းရင်းမြစ်များ

AYUB 5:14

Ri wattu singara'na alloa nitujui ke'nanga ri sassang, angngosala' sangkamma ri wattu bangngi.

YESAYA 13:10

Tunggala' bintoenga siagang pa'rappungang bintoenga lammari accaya; lasassangi mataalloa ri wattunna ammumba, siagang tenamo nalaccaya bulanga.

YEREMIA 13:16

Musti nupakalompoi Karaeng Allata'alanu lalang tenanapa Napabattui sassanga, siagang tatto'ro bangkennu ri pa'monconganga, lalang anjo singara' numinasaia taNapinrayapi a'jari sassang.

YEREMIA 15:9

Amma' ammoteranga tuju ana'na takkaluppami lanri sukkaraki nasa'ring a'mai'. Sassammi nacini' allo katallassanna, nihinami siagang nipakasiri'mi ri pakkasia'na. Kusuroi musu-musua ambunoi niaka ija attallasa' battu ri kau. INakke, Batara, anne akkana.”

YEHEZKIEL 32:7

Ri wattunnu Kupanraki, langika laKubomboki, siagang sikamma bintoenga laKupa'jari matei rinrana. LaKucokkoi mataalloa ribokona rammanga siagang bulanga tenamo naccaya.

AMOS 4:13

Moncong siagang anging, Batara ampareki; rancanaNa Napa'nyatai mae ri rupataua. Napareki alloa siagang bangngia; iratei ri coppo'-coppo' buttaya a'jappa. Karaeng Allata'ala Kaminang Koasaya, iaminjo arenNa.

AMOS 5:8

Batara ampareki sikamma bintoenga ri langika – bintoeng Belanti' siagang bintoeng Kartika. Napinrai sassanga a'jari singara' siagang alloa a'jari bangngi; je'ne' battu ri tamparanga Natumpai nai' ri bontoa. Anggaukanga ngasengi anjo sikammaya iamintu Batara arenNa.

MIKHA 3:6

“He na'bi, la'birimmi la'busu' wattunnu; labumi allonnu. Talanggappaya mako paccini' ri passala'na rancana-rancanaKu. Tenamo apa-apa lakkulle nuboto.”

ZAKHARIA 14:7

Ri anjo alloa tenamo sassang. Tuli lasingara'na alloa, manna pole ri wattunna bangngi. Mingka Bataraji bawang angngassengi angkanaya ringngapanna nalabattu anjo alloa.

MATIUS 24:29

“Tena nasallo ri le'ba'na anjo wattu kasusaanga, la'jari sassammi alloa, na tenamo naccaya singara' bulanga. Latu'guru' ngasemmi bintoenga battu ri langika. Na sikamma makoasaya lalang lino, la'jari sanna'mi ricuna.

MATIUS 27:45

Ri tangngana alloa, kira-kira tallung tette', a'jari sassammi sikontu pa'rasanganga.

MARKUS 15:33

Ri tangngana alloa, niaki tallung tette' a'jari sassang ri sikontu anjo pa'rasanganga.

LUKAS 23:44

Kira-kira tette' sampulo anrua ri tangngana alloa, tena naccaya alloa, sa'genna a'jari sanna'mi sassanna sikontu pa'rasanganga, sa'genna tette' tallu ri karuenga.

PAPPICINI' 6:12

Nampa Nareppe' kucini' anjo Ana' Gimbalaka segele' makaannanga. Ta'ge'goso' sanna'mi linoa. A'jari le'lemmi matanna alloa sangkamma kaeng le'leng kasaraka; kammayatompa a'jari ejami bulanga sangkamma cera'.

PAPPICINI' 8:12

Nampa napasa'ra tarompe'na malaeka' makaappaka. Natattunrummo bage talluna mataalloa, bage talluna bulanga, kammayatompa bage talluna sikontu bintoenga; sa'genna tappela'mi bage talluna cayana ke'nanga. Kammayatompa bage talluna singaraka tenamo nasingara' siagang kamma tomminjo bage talluna bangngia.