AMOS 8:7 - KITTA' MATANGKASA'

⁷ Batara, Allata'alana Israel, le'baki assumpa angkana, “Tena sikali nalaKukaluppai panggaukang ja'dala'na ke'nanga.

AMOS 8:7 ပူးပေါင်းရင်းမြစ်များ

AYUB 24:23

Allata'ala assarei tallasa' salewangang, mingka tenammarina Najannangngi.

PAMMUJI 10:11

Nakana nawa-nawana, “Nakaluppaimi Allata'ala na taNajampangia; tulusu' tenamo nalaNacinikka'!”

PAMMUJI 47:4

Nasareki' pammetang lompo mae ri bansa-bansaya, Napa'jariki', makoasa mae ri suku-suku bansaya.

PAMMUJI 47:5

Napileangki' tana pisaka untu' ikatte, kalompoang pa'mai' ri bansa Nakamaseanga.

PAMMUJI 68:34

mae ri Ia angngoloai alla' marioloa. Pilangngeri! Batara a'bicara, sa'ranNa a'galutturuki sanna' heba'na.

KALAPPASSANG 17:16

Nakana Musa, “Ta'galaki tinggi-tinggi banderaNa Batara! KalenNa Batara a'bundu' angngewai tu Amalek sa'genna satunggu-tungguna!”

YESAYA 22:14

Napa'nyatai KalenNa Batara Kaminang Tinggia siagang Kaminang Makoasaya mae ri nakke, na nakana, “Tojeng, anjo kaja'dallanna ke'nanga tena nalaKupammopporang sa'genna mate ke'nanga. INakke, Batara, anne le'ba' akkana kamma.”

YESAYA 43:25

Mingka iNakke Allata'ala allu'luki dosanu, Kupammopporangko lanri kammaminjo sipakKu; tena natuli Kuu'rangi dosanu.

YEREMIA 17:1

Nakana Batara, “He bansa Yehuda, le'ba'mi ta'ukiri' dosanu ri atinnu siagang ri sikontu panyingkulu'na tampa'-tampa' pakkoro'bangngannu, niukirika siagang pena bassi battu ri intang.

YEREMIA 31:34

Tenamo naparallu se'rea tau ri ke'nanga langngajaraki paranna tau untu' angngassengi Batara. Nasaba' yangasenna ke'nanga, lompo ca'di, lanaasseng ngasengA'. LaKukaluppai kasalang-kasalanna ke'nanga, laKupammopporangi dosa-dosana ke'nanga. INakke, Batara, anne akkana.”

YEREMIA 44:21

“Apaka nukana taNaassengai yareka nukana Nakaluppai Batara anjo koro'bang-koro'bang nipassareanga ri kota-kota Yehuda siagang ri agang-aganga ri Yerusalem, iamintu nipassareanga ri boe-boenu, ri karaeng-karaenga siagang sikamma pagawe pamarentanu, kammayatompa ri sikontu ra'ya'na anne pa'rasanganga siagang nupassareanga ikau kalennu?

HOSEA 7:2

Tena le'bakai ammumba ri pikkiranna ke'nanga angkanaya laKuu'rangi ngasengi anjo sikontu kaja'dallanna ke'nanga. Mingka katongkokangi ri dosa-dosana ke'nanga sa'genna a'nassai Kucini'na.”

HOSEA 8:13

Nangai ke'nanga assare koro'bang mae ri Nakke, siagang angkanrei anjo dageng koro'banga, mingka iNakke Batara, tena Kusannang mae ri anjo koro'bang-koro'banga. Kamma-kamma anne laKuu'rangi dosana ke'nanga siagang laKuhukkungi ke'nanga lanri anjo dosa-dosana; laKukiringi ammotere' ke'nanga mange ri Mesir!

HOSEA 9:9

Teai sipato' ja'dala'na panggaukannu sangkamma le'baka nagaukang taua ri Gibea. LaNau'rangi Allata'ala kasalannu, siagang Nahukkungko lanri dosanu.

AMOS 4:2

INakke, Batara Kaminang Tinggia, iamintu Batara matangkasa', siagang le'ba'Ma' a'janji angkanaya lanire'resangko sallang siagang pakkai'; lasinrapang ngasengko juku' ri mata pekanga.

AMOS 6:8

Naterassimi Batara Kaminang Koasaya siagang Kaminang Tinggia ampassareangi pappakainga' kammaya anne: “Birisiki nyawaKu mae ri katampoanna umma' Israel; tena nasannang nyawaKu mae ri sikamma balla' karaeng ga'gana ke'nanga. Ibukotana ke'nanga siagang sikontu bonena laKupassareangi mae ri musua.”

LUKAS 2:32

Sanrapang singara', ansingaria oloanna bansa-bansa maraenga, untu' labattu mae ri Katte; singara' angngeranga kala'birang mae ri ummatTa Israel.”