AMOS 7:5 - KITTA' MATANGKASA'

⁵ Kukanamo, “O Batara Kaminang Tinggia, Kipamari laloi anjo pepeka! Teai sipato' ca'dina siagang lammana ummatTa, jari antekamma batena lakkulle attahang?”

AMOS 7:5 ပူးပေါင်းရင်းမြစ်များ

PAMMUJI 85:4

Tenamo naKikalarroi ke'nanga; taKipa'jariami pangngalarroi lompoTa.

YESAYA 1:9

Ebara' angkana tena Napata'lappasaki Batara Kaminang Koasaya siapa are tau battu ri katte, ma'nassa cappu' ngaseng maki', rapang kota Sodom siagang Gomora.

YESAYA 10:25

Sinampe'ji nammari larroKu mae ri kau, nampa Kuancuru' anjo ke'nanga.

YEREMIA 30:19

Pandudu'na lanapujiA' siagang kelong-kelong, siagang akkio' a'rannu-rannu pa'mai'. LaKupa'jari ke'nanga nipakalompo siagang tenamo nanihinai, siagang jaina ke'nanga pila' laKutambai.

YEHEZKIEL 9:8

Lalang nigaukanna anjo pammunoanga, kale-kalengku nia' anjoreng. Su'juka' siagang akkio'ma' angkana, “O Batara Kaminang Tinggia, maka sanna' dudu kammami anjo larroTa mae ri Yerusalem, sa'genna ero' Kibuno kabusu' tau niaka ija ri anne Israel?”

YO"EL 2:17

Suroi sikamma imanga allayani Batara, angngarru' ri alla'na tampa' pakkoro'bangnganga siagang ri tampa' pattiro-tiroang ri dallekanga, na angkana, “Kisayang laloi ummatTa, o Batara; teaKi' lappassangi taunTa nicalla,” sa'genna appiandere' bansa-bansa maraenga siagang angkana, “Kemaeji Allata'alana ke'nanga?”

PAMMILANGNGANG 14:19

Kamma-kamma anne, o Batara, lanri lompona pangngamaseanTa siagang lanri majarretTa mae ri janjinTa, kupalaki, Kipammopporang laloi dosana anne taua ngaseng, sangkamma le'ba'na Kipammopporang ke'nanga baku' nabokoina ke'nanga butta Mesir.”