AMOS 7:14 - KITTA' MATANGKASA'

¹⁴ Appialimi Amos angkana, “Inakke teaiya' na'bi lanri pangka'. Sikontutojenna inakke pakalawakia' siagang pakattili' rappo ara.

AMOS 7:14 ပူးပေါင်းရင်းမြစ်များ

1 KARAENG-KARAENG 19:19

Jari a'lampami Elia na nagappa Elisa sitabang anjama appa'jeko. Nia' sampulo anrua ayoka sapi ri dallekanna, na Elisa kale-kalenna appa'jeko ri ayoka ri boko dudua. Ammalona Elia ri ampi'na Elisa, nasungkemi jubana Elia nampa napataba ri salangganna Elisa.

1 KARAENG-KARAENG 20:35

Lanri parentaNa Batara, nia'mo sitau na'bi battu ri pa'rappunganna anjo na'bia ansuro ba'ji anjo aganna. Mingka taerokai anjo aganna.

2 KARAENG-KARAENG 2:15

Anjo limampuloa na'bi naciniki anjo apa kajarianga, nampa nakana ke'nanga, “A'lette'mi koasana Elia mae ri Elisa!” Battumi ke'nanga mange ri Elisa nampa su'ju' ke'nanga ri dallekanna

2 KARAENG-KARAENG 2:3

Nia' siapa are na'bi ammantang anjoreng a'lampa mange ambuntuli Elisa siagang akkuta'nang angkana, “Nuassenji angkanaya anne alloa la'lampai bapa'nu ambokoiko lanri laniangkaki ri Batara?” Appialimi Elisa angkana, “Iyo, kuassenji. Mingka teami nibicarai anjo passalaka.”

2 KARAENG-KARAENG 2:5

Nia' siapa are na'bi ammantang anjoreng a'lampa mange ambuntuli Elisa siagang akkuta'nang angkana, “Nuassenji angkanaya anne alloa la'lampai bapa'nu ambokoiko lanri laniangkaki ri Allata'ala?” Appialimi Elisa angkana, “Iyo, kuassenji. Mingka teami nibicarai anjo passalaka.”

2 KARAENG-KARAENG 2:7

siagang nia' limampulo na'bi ampinawangi ke'nanga. Nampa ammantammo Elia siagang Elisa ri biring binangaya, nampa anjo limampuloa na'bi ammentengi tena siapa bellana battu ri anjo tampaka.

2 KARAENG-KARAENG 4:38

Ri se'reang wattu natujui sikontu pa'rasanganga bala kacipurang. Jari ammotere'mi Elisa mange ri Gilgal. Ri wattunna sitabang angngajara' siapa are jaina na'bi, nasuromi palayanna angngalle uring lompo nampa napappalluang ke'nanga.

2 KARAENG-KARAENG 6:1

Ri se'reang allo anjo na'bi-na'bi naajaraka Elisa, akkunrarengi ri ia. Nakana ke'nanga, “Anne pammantanganta sanna' seppa'na.

2 PATTOTTORANG 16:7

Anjo wattua niaki Na'bi Hanani battu mange ri Karaeng Asa na nakana, “Lanri tanjeng maeko ri karaeng Siria, tena nutanjeng mae ri Karaeng Allata'alanu, tappela'mi kasampatannu untu' ambetai tantarana karaeng Israel.

2 PATTOTTORANG 19:2

nia'mo sitau na'bi niareng Yehu ana'na Hanani battu mange andallekang ri karaenga. Nakanamo anjo na'bia ri ia, “Maka siratangki' ambantui tau ja'dalaka siagang agang mae ri tau birisika ri Batara? Larroi Batara lanri anjo panggaukang kammata.

2 PATTOTTORANG 20:34

Pau-pau maraengannaya ri passala'na Yosafat, battu ri pakaramulanna sa'genna kala'busang pamarentahanna, niaki nicata' lalang ri kitta' “Pau-pauanna Yehu ana'na Hanani”, niaka nitulisi' lalang ri kitta' “Pau-pauanna Sikamma Karaeng Israel.”

AYUB 30:4

Ammi'buki ke'nanga rompo' ri parang lompoa nampa nakanre leko'na siagang aka'na.

AMOS 1:1

Anjo lapung Amos, iamintu sitau pakalawaki gimbala' battu ri kota Tekoa. Nikioki a'jari na'bi ri wattu niparentana pa'rasangang Yehuda ri Karaeng Uzia, siagang Israel niparentai ri Karaeng Yerobeam, ana'na Yoahas. Ruan taung ri tenanapa nakajariang ta'ge'goso'na buttaya, Napa'nyatai Allata'ala mae ri Amos ri passala'na tu Israel.

AMOS 3:8

Punna ammammu' singaya, inaimo tena namalla'? Punna a'bicara Batara Kaminang Tinggia, inaimo akkulle ammakkang siagang taeroka ampa'la'bangi pasanNa?

ZAKHARIA 13:5

Kabalekanna, lanakana ke'nanga, ‘Inakke teaiya' na'bi. Inakke poro pamarrija' bawang, anjamaya ri kokoa lalang sikontu tallasakku.’

1 KORINTUS 1:27

Nasaba' Nakunjungi memang tongi Allata'ala ampilei tau nicini' dongoka ri anne linoa; sollanna a'jari siri'-siri' tau cara'deka. Siagang Napile tommi Allata'ala tau nicini' lammaya ri anne linoa, sollanna a'jari siri'-siri' tau makassaka siagang magassinga ri anne linoa.

1 SAMUEL 10:11

Sikamma tau angngasseng memangai la'bi riolo anjo Saul, nacini'na ke'nanga anjo panggaukanna, massing sikuta'nammi angkana, “Apa le'ba' kajariang mae ri anjo ana'na Kish? Apa a'jari na'bi tommi anjo Saul?”