AMOS 7:12 - KITTA' MATANGKASA'

¹² Nampa nakana Amazia ri Amos, “He na'bi, ammoterekko mange ri Yehuda! Anjoreng mako akkato'ba. Lappassammi nake'nanga assareko gaji.

AMOS 7:12 ပူးပေါင်းရင်းမြစ်များ

2 PATTOTTORANG 16:10

Sanna' larrona Karaeng Asa allangngereki anjo kananna Na'bi Hanani sa'genna napantama' anjo Na'bia ri tarungkua. Iatommi anjo wattua nanasessa Asa siapa are tau battu ri ra'ya'na.

YESAYA 30:10

Nakana ke'nanga mae ri sikamma na'bia, “Tongkoki bawanu! Teako paui apa annabaya mae ri kambe, mingka ia apa eroka nalangngere' ikambe. Lappassammi ikambe tuli appikkiri' takamma-kamma.

YESAYA 56:11

Rapangi ke'nanga kongkong angngoaya, tenaya bassoro'na. Takkulleai nipahang apa ero'na anjo sikamma pamimpinga. Massing nagaukangi ke'nanga apa nangaia siagang kaparalluang kalenna.

YEHEZKIEL 13:19

NuhinaMa' ri dallekanna ummakKu, lanri ero'nu poro anggappa sikangkang jelai gandung siagang pirang kere' are roti. Tau tenaya nasala nubunoi, nampa tau siratanga mate nulappassangi attallasa'. Nampa nuballe-ballei ummakKu siagang tappa'mi ke'nanga mae ri kau ngaseng.’ ”

AMOS 2:12

Mingka nusarei anjo Pangawasaka angnginung anggoro', sa'genna takkaluppa ke'nanga ri janjinna. Siagang ikau ngaseng nupisangkai na'bi-na'bia ampabattui pasangKu.

AMOS 7:11

Napaui angkanaya lamatei karaenga lalang pa'bundukang, siagang ma'nassa laniengkaki bansa Israel mange ri pammelakkanga, bellaya battu ri pa'rasangang kalenta.”

MALEAKHI 1:10

Nakana Batara Kaminang Koasaya, “Bajikangngangi nitongko' pakke'bu' BallakKu, nasaba' tena matu-matunnu apparinra pepe' irate ri tampa' pakkoro'bangngangKu. Tena nakungaiKo, siagang tena nalaKutarima passarenu.

MATIUS 8:34

Jari a'lampa ngasemmi anjo tau niaka ri kotaya, mae ri Isa. Nabuntulu'namo ke'nanga Isa, napala' dudumi ke'nanga ri Isa sollanna a'lampamo ambokoi anjo daeraya.

LUKAS 13:31

Anjo todong wattua, nia'mo siapa are tu Farisi battu mae ri Isa na nakana, “TeaKo ammantangngi anrinni! A'lampaKo mange ri tampa' maraenga, nasaba' eroki Herodes ambunoKo.”

LAMPA-LAMPANA 16:39

Jari a'lampami ke'nanga appala' popporo' ri Paulus siagang Silas. Nampa narurungang ke'nanga Paulus siagang Silas assulu' battu ri tarungkua, siagang napala'mi ke'nanga sollanna a'lampamo Paulus siagang Silas ambokoi anjo kotaya.

ROMA 16:18

Nasaba' anjo tau kammaya ngaseng panggaukanna, teai untu' Batarata Isa napanjama-jamang, passangalinna untu' napasu kalenna ke'nanga ero' napasukku'. Natipui tau tenaya nangngasseng apa-apa siagang kana-kana sanna' baji'na.

1 KORINTUS 2:14

Inai-nai tena nikoasai ri RohNa Allata'ala, takkulleai natarima anjo apa Napakasingaraka RohNa Allata'ala. Nasaba' a'jari sangkammaji kadongokang anjo passalaka mae ri anjo tau kammaya. Anjo tau kammaya takkulleai napahang anjo passalaka, nasaba' anjo passalaka takkulleai nipahang situru' apa-apa kacinikanga.

1 PETRUS 5:2

sollanna nukalawaki sikamma gimbala' Napappirannuanga Allata'ala mae ri kau ngaseng. Kalawaki ke'nanga siagang sannang pa'mai'nu, sangkamma Nakaerokanga Allata'ala. Teako battalaki pa'mai'nu angkalawaki ke'nanga. Tea tongko lanri ero'nuji anggappa passawallang nanugaukang jama-jamannu. Passangalinna lanri ero'nu attojeng-tojeng allayani.

1 SAMUEL 2:36

Massing-massing turungannu attallasaka ija, lamangei ri anjo imanga untu' appala' doe' siagang kanre. Lanapalaki angkana: Kipa'bianga' ambantui sikamma imanga, sollanna kukkulle anggappa kanre manna nasisoanja.”

1 SAMUEL 9:9

Appialimi Saul angkana, “Baji'mi! Umba ki'lampa.” Jari a'lampami ke'nanga mange ri kotaya, ri tampa'na anjo atanNa Allata'ala. Ri wattu angngambi'na ke'nanga ri bonto angngoloa mange ri anjo kotaya, assibuntulu'mi ke'nanga siagang siapa are tulolo, eroka anynye'ro' je'ne' ri bungunga. Akkuta'nammi ke'nanga mae ri anjo tuloloa angkana, “Apaka nia' pacini' anrinni ri kotaya?” (Anjo wattua se'rea na'bi nikanai pacini'; jari punna nia' tau ero' akkuta'nang se'reang apa-apa mae ri Allata'ala, kammaminne kananna, “Umba ki'lampa mange ri pacinika.”)