AMOS 6:8 - KITTA' MATANGKASA'

⁸ Naterassimi Batara Kaminang Koasaya siagang Kaminang Tinggia ampassareangi pappakainga' kammaya anne: “Birisiki nyawaKu mae ri katampoanna umma' Israel; tena nasannang nyawaKu mae ri sikamma balla' karaeng ga'gana ke'nanga. Ibukotana ke'nanga siagang sikontu bonena laKupassareangi mae ri musua.”

AMOS 6:8 ပူးပေါင်းရင်းမြစ်များ

PA'JARIANG 22:16

“Nakana Batara: AssumpA' lanri areng KalengKu, lanri nugaukanna anne kammaya siagang tena nanutollaki untu' ampassareangi anjo ana' sitau-taunu mae ri Nakke,

PAMMUJI 106:40

Nampa a'rinramo larroNa Batara mae ri ke'nanga, ero'mi ta'langnge Nasa'ring lanri umma'Na tonji.

PAMMUJI 47:4

Nasareki' pammetang lompo mae ri bansa-bansaya, Napa'jariki', makoasa mae ri suku-suku bansaya.

PAMMUJI 50:12

Punna cipurukKa', taparalluai Kupau mae ri kau, saba' linoa siagang sikontu bonena iNakke pata.

PAMMUJI 78:59

Nacini'na kammaya, tamaka larroNa Allata'ala, Natolla' tojeng-tojemmi ke'nanga.

PANGNGEBARANG 8:13

Punna nipakala'biri' Batara, battuanna nikabirisi kaja'dallanga; takungaiyai kaborroanga siagang katampoanga. Kukabirisi gau'-gau' ja'dalaka siagang kana-kana annipua.

YESAYA 28:1

Cilakai kota nakalompoang pa'maika sikamma painunna Israel! La'jari toami kaga'ganna, rapang bunga kalumeng niaka ri simbolenna ke'nanga. Cilakai kota tinggia nai' battu ri tangngana ka'bung copponga, nakalompoanga pa'mai' sikamma tau sitangnga matea nasa'ring.

YEREMIA 12:8

Umma' nipileKu nabaliangA'; rapang singa ri romang lompoa, kammaminjo ammarrunna sa'ranna ke'nanga mae ri Nakke. Iaminjo saba'na naKubirisi' mae ri ke'nanga.

YEREMIA 22:14

Cilaka tongi tau angkanaya, “Lambangunga' balla' karaeng lompoa siagang luaraka kamara'na ri bageang lonjo' iratea,” nampa napare' ri anjo balla' karaenga jandela ammake les kayu camara Libanon, siagang nice' eja.

YEREMIA 22:5

Mingka punna tena nuturuki parenta-parentaKu, assumpA' angkanaya anne balla' karaenga la'jari loro-loro mami le'ba' nakanre pepe'. INakke, Batara, anne akkana.

YEREMIA 44:26

Mingka kamma-kamma anne pilangngeri apa Kupaua mae ri kau, he tu Israel niaka ri Mesir: INakke, Batara, assumpA' lanri arengKu mala'birika, angkanaya tenamo naKupa'biangko ampakei arengKu untu' appare' janji. Takkulleako angkana, ‘Assumpa' lanri Allata'ala mattallasaka!’

YEREMIA 49:13

AssumpA' lanri areng KalengKu angkanaya kota Bozra la'jari tampa' appakamallaki, nibokoia ri taua. Lanikakkali ri taua siagang lanapakei arenna a'jari kana pattunra. Sikontu desaya niaka ri tammulilina la'jari rumbangngang kabusuki sa'genna satunggu-tungguna. INakke, Batara, anne akkana.”

YEREMIA 51:14

Batara Kaminang Koasaya assumpai lanri areng KalenNa angkanaya lappabattui tau rapang katimbang jaina untu' ambunduki Babel, siagang akkio'-kioki ke'nanga napakamma rannu lanri ammetana.

PIRAUNG 2:5

A'jarimi rapang musu Batara; Natunrungi Israel sa'genna runtung. Naancuru' sikontu pattahangnganga siagang balla' karaenga, na pila' Natambai susana pandudu' niaka ri Yehuda.

YEHEZKIEL 24:21

ampabattui anne pasanga mae ri kau ngaseng angkana; Ikau nukalompoang pa'maiki kakassakanna Balla'Na Batara. Nungai nucini' siagang angkunjungi, mingka laNara'massi Batara Balla'na. Siagang sikamma anggota kaluarganu loloa ija, ia niaka ija ammantang ri Yerusalem, lanibunoi lalang ri pa'bundukang.

HOSEA 11:6

Bundu' lompoa lanarapiki sa'genna kota-kotana ke'nanga; lanipanraki sikamma pakke'bu' lompoa, siagang lania'moroki ummakKu. Nakajariang anjo kammaya lanri naturukinna ero' kalenna ke'nanga,

KAIMANGNGANG 26:11

NiakKa' lammantang ri alla'nu lalang ri KemaKu, siagang tena nalaKutollakko.

KAIMANGNGANG 26:30

LaKuancuruki sikamma tampa' panynyombannu ri bulu'-buluka, Kurumbangi sikamma tampa' pakkoro'bangngannu untu' attunu dupa, nampa Kupasambila sikamma maya'nu mae ri rumbanna anjo sikamma barhalanu. ErokKa' Kusa'ring ta'langnge

AMOS 3:10

Nakana Batara, “Sikamma anjo taua nabonei balla'-balla' karaenna ke'nanga siagang barang-barang nagappaya battu ri gau' ammacco' siagang gau' palla'. Ba'lalo tena sikali nangngasseng ke'nanga anggaukangi gau' lambusuka.

AMOS 3:11

Lanri kammana anjo lanikurungi pa'rasanganna ke'nanga ri musu, lania'moroki pattahanganna, siagang laniellaki sikamma balla' karaenna ke'nanga.

AMOS 4:2

INakke, Batara Kaminang Tinggia, iamintu Batara matangkasa', siagang le'ba'Ma' a'janji angkanaya lanire'resangko sallang siagang pakkai'; lasinrapang ngasengko juku' ri mata pekanga.

AMOS 5:21

Nakana Batara, “Kukabirisi siagang lanreA' anciniki passua'-suarranna agamanu!

AMOS 8:3

Ri anjo alloa sikamma kelong-kelonga ri balla' karaenga la'jari karruki. Kemae-kemae attambung mayaka, le'baka nipela' cokko-cokko.”

AMOS 8:7

Batara, Allata'alana Israel, le'baki assumpa angkana, “Tena sikali nalaKukaluppai panggaukang ja'dala'na ke'nanga.

ZAKHARIA 11:8

Nia' tallu pakalawaki angkabirisia' nanapaccappu' kasa'barangku. Kubongkai ke'nanga lalang wattu sibulang.

PAOLE 32:19

Nacini'na gau'-gau'na ana'-ana'Na larromi Batara nampa Natolla' ke'nanga.